Coconut Water: కొబ్బరినీళ్లు ఆరోగ్యానికి అన్నివేళలా మంచిది.. కొబ్బరినీళ్లు అందుబాటులో లేకపోతే అంత గొప్ప పానీయం ఏదైనా ఉంది అంటే అది నిమ్మరసం.. కొబ్బరి నీళ్లు, నిమ్మరసం చాలా మంది విడివిడిగా తాగుతూ ఉంటారు.. కానీ కొబ్బరి నీళ్లలో నిమ్మరసం కలుపుకుని తాగితే ఏం జరుగుతుందో తెలిస్తే రోజూ అలానే తాగుతారు..! ఈ రెండింటినీ కలిపి తాగితే ఏం జరుగుతుందో ఇప్పుడు తెలుసుకుందాం..!
కొబ్బరి నీళ్ళు నిమ్మరసం కాంబినేషన్ డ్రింక్ లో సహజసిద్ధంగా లభించే ఖనిజ లవణాలు ఉంటాయి. ఈ రెండింటినీ కలుపుకుని తాగడం వల్ల రోగ నిరోధక శక్తి పెరుగుతుంది. శరీరం, కాలేయంలో టాక్సిన్స్ ను తొలగించడంలో ఈ రెండు కీలక పాత్ర పోషిస్తాయి. జీర్ణశక్తిని పెంచే గుణాలు కొబ్బరి నీళ్లలో, నిమ్మరసం లో మెండుగా ఉన్నాయి. అందువలన జీర్ణ సంబంధిత సమస్యలను తొలగిస్తాయి.. డీహైడ్రేషన్ సమస్యతో బాధపడుతున్నవారు కొబ్బరి నీళ్లలో నిమ్మరసం కలిపి తాగితే ఎక్కువ ఉపయోగకరంగా ఉంటుంది. తక్షణ శక్తిని అందిస్తుంది. ఇంకా మూత్ర సంబంధిత సమస్యలను తొలగించడం, మూత్ర విసర్జన లోని లోపాలను సరి చేయడం, కిడ్నీలో రాళ్లు వంటి సమస్యలను నివారించడంలో సహాయపడుతుంది. గర్భిణీ స్త్రీలు ఈ రెండింటినీ కలిపి తీసుకోవడం వలన తరచుగా వాంతులు కాకుండా ఉంటాయి.
ముఖం పై మొటిమలు, నల్ల మచ్చలు ఉన్న వాళ్ళు కొబ్బరినీళ్లు నిమ్మరసం కలుపుకుని తాగితే మెరుగైన ఫలితాలు కనిపిస్తాయి. ఆస్తమాను తగ్గించడంలో ఈ డ్రింక్ అద్భుతంగా పనిచేస్తుంది. అధిక బరువుకు కళ్లెం వేస్తుంది. సహజంగా బరువు తగ్గడానికి నిమ్మకాయ నీళ్లలో తేనె కలుపుకొని తాగుతారు. కానీ కొబ్బరి నీళ్లలో నిమ్మరసం కలుపుకుని తాగితే మరింత ఎఫెక్టివ్ గా బరువు తగ్గడానికి సహాయపడుతాయి.
