‘ఇమ్యూనిటీ పవర్’ను పెంచడంలో అల్లం ప్రముఖ పాత్ర పోషిస్తుంది. ఇందులో ఎన్నో ఔషధ గుణాలు దాగివున్నాయి. ప్రస్తుతం కరోనా సమయంలో అందరూ ఇమ్యూనిటీ పవర్ ను పెంచుకునే పనిలో ఉన్నారు. అలాంటి అల్లంలో ఎన్ని ప్రయోజనాలను ఉన్నాయ్ అనేది ఇప్పుడు చూద్దాం.
అల్లంలో అనేక పోషక విలువలతో పాటు విటమిన్ సి, మాంగనీస్, మెగ్నీషియం, ఐరన్ వంటి ఎన్నో పోషక విలువలను కలిగి ఉంది. అల్లం నోటి దుర్వాసనను పోగొట్టడమే కాకుండా, నోటిలో చేరిన ప్రమాదకర బ్యాక్టీరియాలను సంహరించి, మన దంతాలను ఆరోగ్యంగా ఉండేలా చేస్తుంది.
ప్రతిరోజు ఉదయం అల్లం టీని తాగడం వల్ల మన శరీరంలో ఉన్న కొలెస్ట్రాల్ ను తగ్గించి, రక్తప్రసరణను మెరుగు పరచడంతో పాటు గుండెకు ఆరోగ్యాన్ని కలిగిస్తుంది. అంతేకాకుండా జీర్ణ శక్తిని మెరుగుపరచడంలో అల్లం ఎంతో ప్రాముఖ్యత వహిస్తుంది. అలాగే క్యాన్సర్ కారకాలతో పోరాడుతుంది. అల్లం ఒక మంచి యాంటీ ఆక్సిడెంట్గా పనిచేస్తుంది.
మన శరీరంలో ఎటువంటి ఇన్ఫెక్షన్ల బారిన పడకుండా కాపాడుతుంది. అల్లం వారానికి రెండు లేదా మూడు సార్లు తీసుకుంటే జలుబు, దగ్గు, గొంతు నొప్పి వంటి సమస్యలను, శ్వాసకు సంబంధించిన సమస్యలను తగ్గించుకోవచ్చు. శరీరాన్ని అధిక ఒత్తిడి నుంచి కూడా అల్లం రక్షిస్తుంది. అంతేకాదు అల్లం తీసుకుంటే ఎముకలు కూడా ఆరోగ్యంగా ఉంటాయ్.
కీళ్ల నొప్పులతో బాధపడేవారు తరచు అల్లం తీసుకోవడం ద్వారా ఎంతో ఉపశమనం కలిగిస్తుంది. వికారం వాంతి అవుతే అల్లంను తీసుకోవడం ద్వారా వాటిని నుంచి ఉపశమనం లభిస్తుంది. అల్లం యాంటీ ఆక్సిడెంట్లుగా పనిచేస్తుంది. అందుకే ఆపరేషన్ జరిగిన తర్వాత అల్లం తీసుకోమని వైద్యులు సూచిస్తారు. అది తీసుకోవడం వల్ల ఆపరేషన్ జరిగినప్పుడు ఏదైనా ఇన్ఫెక్షన్ అవుతే తొందరగా మానిపోతుంది.