Detox Drink: పోషకాలతో కూడిన ఆహారం మనల్ని సంపూర్ణ ఆరోగ్యవంతులుగా చేస్తుంది..! ఈ వేసవి కాలంలో ఆహారం ఎక్కువగా తీసుకోలేము.. అందువలన డిటాక్స్ ఫై డ్రింక్స్ శరీరానికి కావలసిన మినరల్స్, విటమిన్స్ అందిస్తాయి..! ఈ డిటాక్సిఫై డ్రింక్ ఎలా తయారు చేసుకోవాలో.. ఎలా తీసుకోవాలో.. ఎటువంటి ఆరోగ్య ప్రయోజనాలు కలుగుతాయో ఇప్పుడు చూద్దాం..!
ఈ డిటాక్సిఫై డ్రింకు కోసం అరకప్పు మునగాకు పావు కప్పు కరివేపాకు అవసరం. ఈ రెండింటినీ శుభ్రంగా కడిగి పట్టుకొని జ్యూస్ లా తయారు చేసుకోవాలి. ఇలా తయారుచేసుకున్న జ్యూస్ లో ఒక చెంచా నిమ్మరసం, ఒక చెంచా తేనె కలుపుకోవాలి. ఈ డ్రింక్ ని ఈ రోజుల్లో మీకు నచ్చిన సమయంలో తాగవచ్చు. ఈ డ్రింక్ తీసుకునేటప్పుడు ఒక వారం రోజుల పాటు వరుసగా తీసుకుని మరలా ఒక వారం రోజులు ఆగి తీసుకోవాలి. ఒక వారం తీసుకుని ఒక వారం ఆపాలి.
ఈ డ్రింక్ తాగితే కాళ్ల నొప్పులు, కీళ్ల నొప్పులు, మోకాళ్ళ నొప్పులు తగ్గిపోతాయి . శరీరంలో ఉన్న చెడు కొలెస్ట్రాల్ను కరిగించి బరువు తగ్గడానికి సహాయపడుతుంది. అధిక రక్తపోటును నియంత్రణలో ఉంచుతుంది. మధుమేహంతో బాధపడుతున్న వారు ఈ జ్యూస్ తేనె లేకుండా తాగితే మెరుగైన ఫలితాలు కనిపిస్తాయి. కంటి చూపు మెరుగుపరచడమే కాకుండా కళ్ళు ఆరోగ్యంగా ఉంచుతుంది.