Radish: సాధారణంగా ముల్లంగి అంటే మనకు తెలుపు రంగు రకం మాత్రమే తెలుసు.. ఇందులో మరో రకం కూడా ఉంది. అదే ఎర్ర ముల్లంగి..!! ఈ రకం గురించి ఎక్కువ మందికి తెలియకపోవచ్చు. ఎర్ర ముల్లంగి తినడం వలన బోలెడు ఆరోగ్య ప్రయోజనాలు ఉన్నాయి. వీటిని ప్రతి నిత్యం తీసుకుంటే ఎటువంటి అనారోగ్య సమస్యలకు చెక్ పెట్టవచ్చు తెలుసుకుందాం..!!
ఎర్ర ముల్లంగి లో విటమిన్ ఏ, బి, సి, కె ఉన్నాయి. వీటితోపాటు కాల్షియం, ఐరన్, పొటాషియం, సోడియం సమృద్ధిగా లభిస్తాయి. వీటిని సలాడ్స్, సూప్స్, కూర, పచ్చడి ఇలా రకరకాలుగా తయారు చేసుకొని తినవచ్చు. ఎర్ర ముల్లంగి లో యాంటీఆక్సిడెంట్స్ పుష్కలంగా ఉంటాయి. ఇవి కంటి ఆరోగ్యాన్ని మెరుగుపరుస్తాయి. ఇందులో విటమిన్ కె ఉంటుంది. ఇది నేత్ర సంబంధిత సమస్యలు దరిచేరకుండా చేస్తుంది. ఇందులో ఉండే పొటాషియం అధిక రక్తపోటును నియంత్రణలో ఉంచుతుంది.
Read More: Black Radish: నల్ల ముల్లంగి తో ఈ ఆరోగ్య సమస్యలు దూరం..!!
ఎర్ర ముల్లంగి ని ప్రతిరోజూ తినడం వలన క్యాన్సర్ రాకుండా చేస్తుంది. వీటిలో ఉండే యాంటీఆక్సిడెంట్స్ క్యాన్సర్ కణాలకు వ్యతిరేకంగా పోరాడతాయి. ముఖ్యంగా మహిళల్లో బ్రెస్ట్ క్యాన్సర్, ప్రొటెస్ట్ క్యాన్సర్ కు ఎర్ర ముల్లంగి తో చెక్ పెట్టవచ్చు. ఇందులో ఉండే విటమిన్ సి రోగనిరోధక శక్తిని పెంపొందించి శరీరం మెటబాలిజంను పెంపొందిస్తుంది. శరీరంలో పేరుకుపోయిన విష పదార్ధాలను తొలగిస్తుంది. చెడు కొలెస్ట్రాల్ ను కరిగిస్తుంది. ఫలితంగా బరువు తగ్గడానికి సహాయపడుతుంది. డయాబెటిక్ లెవెల్స్ ను నియంత్రణలో ఉంచుతుంది. ఇందులో ఫైబర్ అధికంగా ఉంటుంది. దాని వలన జీర్ణ సంబంధిత సమస్యలు లేకుండా చేస్తుంది.