Dry jinger : మన అందరికి అల్లం గురించి మాత్రమే తెలుసు. ఎందుకంటే అల్లంను నాన్ వెజ్ కూరల్లో బాగా ఉపయోగిస్తాము. అయితే చాలా మందికి శొంఠి గురించి తెలియదు. ఒకవేళ తెలిసిన శొంఠి అనేది అల్లం నుంచి వస్తుందనే విషయం తెలియదు. అల్లం యొక్క పై పొట్టుని తీసి సున్నపుతేటలో ముంచి ఎండబెడితే శొంఠిగా మారుతుంది. అల్లం వలన మన ఆరోగ్యానికి ఎంత మేలు జరుగుతుందో అంతకన్నా రెట్టింపు మేలు శొంఠి తింటే కలుగుతుంది. శొంఠి ఇంట్లో వుంటే ఆరోగ్యానికి ఎంతో మేలు జరుగుతుంది.
Dry jinger : శొంఠి వలన కలిగే ఉపయోగాలు :
జలుబు, దగ్గు వంటి సమస్యలను తగ్గించడంలో శొంఠి ఎంతగానో ఉపయోగపడుతుంది.జలుబు చేసినప్పుడు శొంఠి పొడిని నీళ్లలో కలిపి మరగబెట్టి తాగితే ఉపశమనం కలుగుతుంది. అలాగే చెంచా శొంఠి పొడికి చిటికెడు లవంగాల పొడి, ఉప్పును ఒకటిన్నర కప్పు నీటిలో వేసి మరగనిచ్చి గోరువెచ్చగా ఉన్నప్పుడు తాగితే జలుబును నివారించవచ్చు. అలా తాగడం వలన వ్యాధినిరోధక శక్తి కూడా అధికం అవుతుంది.
అల్లం మంచిదా శొంఠి మంచిదా..?
నిజానికి చాలా మందికి శొంఠి మంచిదా లేక అల్లం మంచిదా ఆమె అనుమానం వచ్చి ఉండొచ్చు. అయితే దేని ఉపయోగాలు దానివే.. కానీ అల్లంతో పోల్చుకుంటే శొంఠి తింటేనే ఆరోగ్యానికి మరింత ఉపయోగకరం అనే చెప్పవచ్చు. శొంటిని కడుపు ఉబ్బరంగా ఉన్నప్పుడు, గ్యాస్ ఫార్మ్ అయినప్పుడు తింటే ఉపశమనం కలుగుతుంది.ఉదరములో గ్యాస్ ఎక్కువైనపుడు గుండెలో నొప్పి వస్తుంది. ఈ సమస్య నుంచి అధిగమించాలంటే పావు చెంచా శొంఠిపొడిని, ఒక చెంచా తేనెతో కలిపి సేవిస్తూ ఉంటే గ్యాస్ తగ్గి ఉపశమనం లభిస్తుంది. అలాగే దోరగా వేయించిన శొంఠి పొడిని మేక పాలతో కలిపి సేవిస్తే విష జ్వరాలు రావు.నడుం నొప్పి ఉన్నవారు రోజు రాత్రిపూట నిద్రపోయేముందు చిటికెడు శొంఠిని ఒక చెంచా వంటాముదంతో కలిపి తాగుతూవుంటే నడుము నొప్పి, పక్కటెముకల నొప్పులు తగ్గుతాయి.