Health: వర్షాకాలం వాతావరణం చట్లబడుతుంది. చినుకులు పడగానే మనసుక ఆహ్లాదం వస్తుంది. చిన్న పిల్లలు చినుకుల్లో కేరింతలు కొడతారు. వర్షంలో తడవడం వల్ల పిల్లలకు జలుబు, దగ్గు మొదవుతుంది. వాతావరణంలో మార్పుల వల్ల పలు రుగ్మతలు వస్తుంటాయి. పలు ప్రాంతాల్లో వర్షపు నీరు నిల్వ ఉండటం వల్ల దోమలు విజృంభిస్తుంటాయి. పిల్లల్లో రోగ నిరోధక శక్తి తక్కువగా ఉండటం వల్ల వారి తల్లిదండ్రులు జాగ్రత్తలు పాటించాల్సిన అవసరం ఉంటుంది. పిల్లల విషయంలో నిర్లక్ష్యంగా ఉంటే ప్రమాదకరం.
ప్రధానంగా వర్షాకాలంలో అంటు వ్యాధులు ప్రబలకుండా ఉండాలంటే మనం స్నానం చేసి శుభ్రంగా ఉండటమే కాకుండా ఇంటి పరిసర ప్రాంతాలను శుభ్రంగా ఉంచుకోవాలి. నిలిచి ఉన్న వర్షపునీటిని తొలగించడం, ఎక్కడా తడి లేకుండా చూసుకోవడం, ముఖ్యంగా చెత్తను తడితో కలవకుండా జాగ్రత్తగా దూరంగా పారబోయడం లాంటివి చేయాలి. చెత్తకు తేమ తగిలి కుళ్లడం వల్ల వైరస్, బాక్టీరియా పెరిగేందుకు దోహదం చేస్తుంది. వర్షపు నీరు నిల్వ ఉండటం వల్ల దోమలకు ఆవాసంగా మారతాయి. దోమల వల్ల డెంగ్యూ, మలేరియా, చికున్ గున్యా లాంటి జ్వరాలు వచ్చి అవి క్రమంగా ప్రమాదకరంగా మారే అవకాశం ఉంటుంది. దోమల నిర్మూలనకు ఆల్ అవౌట్లు, మస్కిటో కాయల్స్ కంటే దోమ తెరలు వాడటం ఎంతైనా మంచిది. మస్కిటో కాయల్స్ వాడే కంటే గదిలో వీలైతే సాంబ్రాణి ధూపం లేక పొగ వేయడం ఉత్తమం.
వర్షాకాలంలో పిల్లలు ఏ మాత్రం మెత్తబడినా పెద్దవాళ్లు ఇంట్లో లేనప్పుడు గృహ వైద్యానికి దూరంగా ఉండటం మంచిద. చిన్న పిల్లల వైద్యులను సంప్రదించడం మంచిది. సమస్య చిన్నదిగా ఉన్నప్పుడు పెద్ద వాళ్ల సలహాను పాటించడం కూడా ఉత్తమమే. అయితే ఏదైనా మందు వేసే ముందు ఒకరికి ఇద్దరికిని అడిగి తెలుసుకుని క్లియర్ చేసుకున్న తరువాత పాటించడం ఉత్తమం. చిన్న పిల్లల్లో రోగ నిరోధక శక్తి పెంపొందిచడానికి అల్లం, మిరియాలు, వెల్లుల్లి వంటివి ఆహారంలో తప్పనిసరిగా జోడించాలి.