Hair Growth: ఈ రోజుల్లో ఎక్కువ మందిలో జుట్టు రాలిపోతుంది..! వాతావరణ కాలుష్యం కారణంగా జుట్టు ఎక్కువగా ఊడిపోతుంది..! జుట్టు ఊడకుండా, ఒత్తుగా పెరగాలంటే కొబ్బరి నూనెలో ఏది కలిపి రాస్తే.. వెంట్రుకలు ఊడిపోకుండా చేసి కొత్త వెంట్రుకలు వచ్చేలా చేస్తుంది..!
4 మందారం ఆకులు, 2 జామ ఆకులు, రెండు రెమ్మలు కరివేపాకు ఆకులు, ఒక చెంచా మెంతులు అవసరం. వీటన్నింటినీ మిక్సీ పట్టి పొడిలా చేసుకోవాలి. ఇప్పుడు ఒక కప్పు కొబ్బరి నూనె తీసుకొని ముందుగా తయారు చేసుకున్న మందార ఆకుల పొడిని 2 చెంచాలు మాత్రమే ఇందులో వేయాలి. ఒక కప్పు కి రెండు చెంచాల మందారం పొడిని మాత్రమే తీసుకోవాలి. కొబ్బరి నూనెకు బదులు బాదం నూనె, నువ్వుల నూనె, ఆముదం ఇలా మీకు నచ్చిన నూనె ను తీసుకోవచ్చు. ఈ నూనెను సన్నని మంటపై 5 ఐదు నిమిషాల పాటు మరిగించాలి. బాగా మరిగిన తరువాత ఈ మిశ్రమాన్ని ఒక గాజు సీసాలో కి వడకట్టుకోవాలి. ఈ నూనెను భద్రపరుచుకోవాలి.
ఇలా తయారు చేసుకున్న నూనెను జుట్టు కుదుళ్ళకు రాసి మర్దన చేయాలి. మీరు జుట్టుకు నూనె రాసుకునేటప్పుడు గోరువెచ్చగా ఉండేలా చూసుకోవాలి. వారంలో రెండు సార్లు ఈ నూనె రాసుకుంటే జుట్టు ఊడిపోకుండా చేస్తుంది. అంతే కాకుండా కొత్త వెంట్రుకలు మొలిచేలా చేస్తుంది. సహజ సిద్ధమైన ఈ నూనెను మీ ఇంట్లో తయారు చేసుకుని వాడితే మెరుగైన ఫలితాలు కనిపిస్తాయి.