Dry Hair: పొడిబారిన జుట్టుకు ఇవి రాస్తే పట్టుకుచ్చులా మెరుస్తాయి..!

Dry Hair: ఆడవారికి కురులే అందం.. నల్లగా నిగనిగలాడుతున్న కురులు జాలు వాలుతుంటే వారిని అలాగే చూస్తూ ఉండిపోతాం.. ప్రస్తుత కాలంలో వాతావరణం కాలుష్యం ఇతర కారణాల వల్ల జుట్టు పొడిబారే సమస్య చాలా మంది ఎదుర్కొంటున్నారు.. ఇందుకోసం మార్కెట్లో దొరికే రకరకాల ప్రొడక్ట్స్ ఉపయోగిస్తున్నారు.. పైగా ఫలితం మాత్రం శూన్యం.. డ్రై గా మారి నా జుట్టుని తిరిగి మళ్ళీ మృదువుగా మార్చుకోవడానికి.. ఇప్పుడు చెప్పుకునే వాటిని ఉపయోగిస్తే జుట్టుకు పోషణ అంది ఒత్తుగా పెరుగుతుంది..!

వెన్న – పెరుగు:
జుట్టు బాగా పొడిబారి నట్టుగా ఉంటే ఆ జుట్టు కి వెన్న రాయాలి. జుట్టు కుదుళ్ళు నుంచి చివర్ల వరకు వెన్న రాసి 30 నిమిషాల తర్వాత గోరువెచ్చని నీటితో తల స్నానం చేయాలి. వెన్న జుట్టు కుదుళ్లకు పోషణ అందించడంలో అద్భుతంగా సహాయపడుతుంది.. మీ జుట్టు కుదుళ్ల నుంచి చివరి వరకు పెరుగు రాసి అరగంట పాటు అలాగే వదిలేయాలి. ఆ తరువాత గాఢత తక్కువ కలిగిన షాంపూతో తలస్నానం చేయాలి. ఇలా చేయడం వల్ల జుట్టు కుదుళ్ళకు పోషణ అంది జుట్టు ఒత్తుగా పెరుగుతుంది..

కలబంద – అరటి పండు:
కలబంద జుట్టు సమస్యలు తగ్గించడంలో కీలక పాత్ర పోషిస్తుంది. నేరుగా కలబంద గుజ్జును జుట్టుకు రాసుకోవచ్చు.. లేదంటే మీరు ఉపయోగించే ప్రొడక్ట్స్ లో కలబంద గుజ్జును కలిపి జుట్టుకు పట్టించి అరగంట తర్వాత తల స్నానం చేయాలి. ఇలా చేస్తే జుట్టు కు మాయిశ్చరైజర్ అందుతుంది. అరటిపండులో సిలికా ఉంటుంది. ఇది పాడైపోయిన జుట్టు ను రిపేర్ చేయడానికి సహాయపడుతుంది. అరటిపండు గుజ్జు లో కొద్దిగా పెరుగు కలబంద గుజ్జు మూడింటినీ కలిపి ఎలా తయారు చేసుకోవాలి జుట్టుకు అప్లై చేసుకుని అరగంట వరకు అలాగే ఉంచాలి. ఆ తర్వాత షాంపూతో తలస్నానం చేయాలి. ఇలా చేయడం వలన డ్రై హెయిర్ కు కండీషనర్ లా పని చేస్తుంది. జుట్టు ఊడకుండా ఉండేందుకు సహాయపడుతుంది.