Headache: ప్రతి ఒక్కరిలో వచ్చే సాధారణ సమస్య తలనొప్పి.. తల పగిలిపోయినట్లు అనిపించే ఈ బాధ నుంచి ఉపశమనం పొందేందుకు.. రకరకాల మాత్రలు వేసుకుంటూ ఉంటారు.. పెయిన్ కిల్లర్స్ ఎక్కువగా ఉపయోగించడం ఆరోగ్యానికి మంచిది కాదు.. పైగా పలు రకాల సైడ్ ఎఫెక్ట్స్ కూడా వస్తాయి.. చిటికలో తలనొప్పి తగ్గడానికి ఈ సింపుల్ చిట్కాలు పాటించండి చాలు..!
లావెండర్ ఆయిల్ తలనొప్పిని తగ్గిస్తుంది. ఇందులో ఉండే యాంటీ డిప్రెసెంట్ గుణాలు తలనొప్పిని తగ్గిస్తుంది. ఈ వాసన పీల్చినా కూడా స్ట్రెస్ ని దూరం చేసే తల నొప్పిని తగ్గిస్తుంది మైగ్రేన్ ఉన్నవారికి లావెండర్ ఆయిల్ చాలా ఉపయోగపడుతుంది. లావెండర్ నూనె లో టీ ట్రీ ఆయిల్ కలిపి తలకు రాసుకుంటే త్వరగా తలనొప్పి నుంచి ఉపశమనం లభిస్తుంది.
దాల్చిన చెక్క పొడి తీసుకుని అందులో కొద్దిగా నీళ్ళు కలిపి పేస్టులా తయారు చేసుకోవాలి. ఈ మిశ్రమన్ని నుదుటి పై రాసుకుంటే తలనొప్పి క్షణాల్లో తగ్గుతుంది. గ్రీన్ టీ ఆరోగ్యానికి మంచిది అని అందరికీ తెలిసిందే ఇది తలనొప్పిని కూడా తగ్గిస్తుంది. గ్రీన్ టీ లో కొద్దిగా నిమ్మరసం కలిపి తాగితే చిటికెలో తలనొప్పి తగ్గుతుంది. గ్రీన్ టీలో ఉండే యాంటీ ఆక్సిడెంట్స్ తలనొప్పిని తగ్గించి మైండ్ ను రిలాక్స్ చేస్తుంది.