Alcohol: ప్రస్తుత పరిస్థితుల్లో ఆరోగ్యంగా జీవించడం అనేది కూడా కష్టతరంగానే ఉంది. ఎందుకంటే వాయు కాలుష్యం, నీటి కాలుష్యం, కల్తీ ఆహార పదార్ధాలు తదితర కారణాల వల్ల ఆరోగ్యంగా జీవించలేని పరిస్థితి. దీనికి తోడు ముఖ్యమైన అలవాట్లు గురించి కూడా మరచిపోతున్నాము. ఇప్పుడు అతి ముఖ్యమైన అలవాటు మొదట మద్యం సేవించడం అయ్యింది. మద్యం తాగే వారి సంఖ్య రోజురోజుకు పెరుగుతోంది. సాధారణంగా ఆల్కాహాల్ మన ఆరోగ్యానికి హానికరం. కానీ సరైన రీతిలో మితంగా తాగడం మీకు అనేక ఆరోగ్య ప్రయోజనాలు లభిస్తాయి. మద్యం సేవించడం మంచిదా కాదా అనేది ఎప్పటి నుండో చర్చ జరుగుతోంది. అయితే ఆల్కాహాల్ తాగడం అనారోగ్యమైనప్పటికీ మద్యం సేవించిన వారు పొందే ఆనందాన్ని విస్మరించలేము. కొందరు డిప్రెషన్ మరియు వారాంతపు వేడుకలకు నివారణగా కోరుకుంటారు. ఆల్కాహాల్ తక్కువ కేలరీలు మరియు సున్నా పోషణను కలిగి ఉంటుంది.
ఆల్కాహాల్ తక్కువ పరిమాణంలో తీసుకుంటే ఆరోగ్యానికి మంచిదే అని చెబుతుంటారు. మితానికి మించి తాగితే ఊబకాయం, షుగర్, గుండె జబ్బులు, కాలేయ సమస్యలు వస్తాయి. మీరు ఎప్పుడైనా ఇతరుల కోసం బలవంతంగా తాగడం మానుకోండి. మీ లక్ష్యం ఏమిటో నిర్ణయించుకుని దానికి కట్టుబడి ఉండాలి. వారానికి ఒక సారి అతి కూడా తక్కువ మోతాదులో తీసుకోవడం మీ ఆరోగ్యానికి మంచిది. అయితే ముందుగా మీరు తీసుకునే వైన్ కేలరీల మొత్తాన్ని చూడాలి. మీ ఆరోగ్యానికి సరైన వైన్ ని ఎంచుకోండి. ముఖ్యంగా బీర్ జోలికి వెళ్లవద్దు. బీర్ లో ఎక్కువ కేలరీలు ఉన్నాయి. ప్రధానంగా ఎంటీ స్టమక్ తో (ఏమి తినకుండా) ఆల్కాహాల్ తీసుకోవద్దు. అలా తీసుకున్నట్లయితే వాంతులు, తలనొప్పి వంటి సమస్యలు వస్తాయి. కావున ఆల్కాహాల్ తీసుకునే ముందు ఆరోగ్యకమైన ఏదైనా తినడం మంచింది. మద్యంతో నీరు త్రాగడం మంచింది. శీతల పానీయాలను కలుపుకోవడం ఆరోగ్యానికి మంచిది కాదు. అదే విధంగా మద్యం తాగే ముందు, తరువాత ఎక్కువగా నీళ్లు త్రాగాలి. ఆహారంలో ఆకు కూరలు, పండ్లు అధికంగా తీసుకోవాలి.