మనిషి మనుగడకు గుండె ఆధారం. శరీరంలో ముఖ్యమైన అవయవం గుండె అని అందరికీ తెలిసిన విషయమే. శరీరంలో గుండె ఆరోగ్యం వివిధ అవయవాల పనితీరు పై ప్రభావం చూపుతుంది. శరీరాని కంతటికీ రక్త సరఫరాతో పాటు అనేక రకాల విధులను నిర్వహిస్తుంది. మానవ హృదయం రోజుకు సుమారు లక్ష సార్లు కొట్టుకుంటుంది. పురుషులతో పోల్చితే స్త్రీలలో ఈ హృదయ స్పందన చాలా వేగంగా ఉంటుంది. స్త్రీలలో నిమిషానికి గుండె 78 సార్లు కొట్టుకుంటే పురుషులలో నిమిషానికి 70 సార్లు కొట్టుకుంటుంది. సగటు జీవిత కాలంలో దాదాపు 2.5 బిలియన్ సార్లు కొట్టుకుంటుంది. గుండెలోని నాలుగు కవాటాలు మూసుకొని ఉండటం వల్ల శబ్దం వినిపిస్తుంది.
మనుషులు బతికి నంత కాలం గుండె రక్తాన్ని శరీర భాగాలకు చేరవేస్తుంది. అయితే ఎంత మొత్తంలో పంపిణీ చేస్తుందో తెలుసుకుంటే షాక్ అవ్వాల్సిందే. మనిషి సాధారణ జీవితకాలంలో సుమారు మూడు సూపర్ ఆయిల్ ట్యాంకర్లు కన్నా ఎక్కువ మొత్తంలో రక్తం అన్ని అవయవాలకు పంపిణీ చేస్తుంది. ఏదైనా ప్రమాదం జరిగితే పంపిణీలో రక్తం పంపిణీ లో అవకతవకలు ఏర్పడతాయి. దీంతో రక్తం పంపిణీ చేయలేవు. కాబట్టి గుండె పదిలంగా ఉన్నప్పుడు మనిషి ఆరోగ్యంగా ఉంటాడు. రక్తం సరఫరానే కాకుండా కండరాలకు సంబంధించిన విధులను కూడా నిర్వహిస్తుంది. మనుషుల శరీరంలో సుమారు 75 ట్రిలియన్ ల కణాలకు కావలసిన ఆహారాన్ని గుండె సరఫరా చేస్తుందంటే నమ్మశక్యం కాదు.
శరీరంలో అద్భుతంగా పని చేసే యంత్రం గుండె. దీని పనితీరు హృదయ స్పందన బట్టి గుండె కొట్టుకునే శబ్దం వినిపిస్తుంది. పిడికిలి పరిమాణంలో ఉండే గుండె 60 వేల మైళ్ల వరకు రక్తనాళాల ద్వారా రక్త ప్రసరణ చేసి ప్రతి కణానికి అందేలా చేస్తుంది. సాధారణంగా మనుషుల గుండె గర్భంలో ఉండగానే పనిచేస్తుంది. గర్భంలో ఉన్న బిడ్డ కు నాలుగు వారాలు రాగానే గుండె కొట్టుకోవడం మొదలు పెడుతుంది. గుండె శబ్దం పని తీరును బట్టి గర్భస్థ శిశువు ఆరోగ్యం అంచనా వేస్తారు వైద్యులు.