Weight Loss: నేటి ఆధునిక జీవన విధానం, ఆహారపు అలవాట్లు, ఎక్కువసేపు కూర్చుని చేసే ఉద్యోగాలు.. ఫలితంగా బరువు పెరగడం.. దాంతో తగ్గడానికి నానా తంటాలు పడటం కామన్.. నడిస్తే బరువు తగ్గుతారని అందరికీ తెలిసిందే..! అయితే ఎంత సేపు నడవాలి..!? ఎలా నడిస్తే బరువు తగ్గుతారో ఇప్పుడు చూద్దాం..!!
రోజు నడవడం ఆరోగ్యానికి మంచిది. ముఖ్యంగా బరువు తగ్గాలనుకొనే వారు కచ్చితంగా నడవాల్సిందే. దీని వలన శరీరం లోని కేలరీలు ఖర్చవుతాయి. ఫలితంగా బరువు తగ్గుతారు. ఉదయం, సాయంత్రం లేదంటే
మనకు కుదిరిన సమయంలో నడవచ్చు. నడవమన్నారు కదా అని టైం పాస్ చేస్తూ నడవద్దు. ఒక పద్ధతి ప్రకారం నడిస్తేనే ఫలితం కనిపిస్తుంది. రోజు ఒక టైం సెట్ చేసుకుని ఆ టైంలో నడిచే లాగా చూసుకోవాలి.
Read More:Red Grapes: ఈ కలర్ ద్రాక్ష పండ్లు తింటే ఈ సమస్యలు దూరం..!!
ప్రతి రోజూ 90 నిమిషాల పాటు అంటే ఒక గంటన్నర పాటు నడిస్తే బరువు తగ్గడం ఖాయం అంటున్నారు ఆరోగ్య నిపుణులు. నిదానంగా కాకుండా వేగంగా నడవాలి. ఇలా నడిస్తే శరీరంలోని అవయవాలు మొత్తం కదులుతాయి. మీరు నడిచే వేగాన్ని బట్టి కేలరీలు ఖర్చవుతాయి. వేగంగా నడవడం వలన ఊపిరిపీల్చుకున్న విధానంలో మార్పు వస్తుంది దానివలన శ్వాస వ్యవస్థ కూడా బాగుంటుంది సాధారణంగా ఒక మనిషి అరగంటపాటు నడిస్తే 300 కేలరీలు ఖర్చవుతాయి. అదే మీరు గంటన్నర పాటు నడిస్తే ఎన్ని క్యాలరీలు ఖర్చవుతాయో చూసుకోండి. మీకు వాకింగ్ చేయడం అలవాటు లేకపోతే ఒకే రోజు గంటన్నర పాటు నడవడం మంచిది కాదు. ముందుగా అరగంట నుంచి గంట ఆ తర్వాత గంటన్నర వరకు నిదానంగా టైం పెంచుకుంటూ వెళ్ళండి. అయితే ప్రతి నిత్యం ఒకే టైం లో ఒకే సమయం లో చేస్తే మెరుగైన ఫలితాలు కనిపిస్తాయి.
