Snacks: మన ఆరోగ్యానికి ఎలాంటి హాని చేయని స్నాక్స్ గురించి తెలుసుకుందాం.
1. వేయించిన వేరు శనగలు, బెల్లం దీనిలో ఐరన్, మెగ్నీషియం,ప్రోటీన్స్, సెలీనియం, ఉంటాయి. తీపిని ఇష్టపడే వాళ్ళు సందేహం లేకుండా తినవచ్చు.
2. వేరు శనగల చాట్ ఇది టమోటాలు, ఉల్లిపాయలు, కొత్తిమీర, నిమ్మ రసం తో పాటు ఉడికించిన వేరుశనగ లు కలిపి చేస్తారు . కూరగాయల నుంచి లభించే ప్రోటీన్లు, ఫైబర్ పుష్కలంగా ఉండే రుచికరమైన స్నాక్ ఇది.
3. మొలకల చాట్: పచ్చి మొలకలు కొంతమంది కి జీర్ణం అవ్వక పోవడం అనేది జరుగుతుంటుంది. కాబట్టి మొలకలని ఉడకబెట్టి, టమాటా,ఉల్లిపాయ,పచ్చి మిర్చి ముక్కలు కలిపి, కాస్త నిమ్మరసం వేసుకొంటే మంచి రుచికరమైన,ఆరోగ్యవంతమైన స్నాక్ మీ ముందు ఉంటుంది. ఇందులో ప్రోటీన్ , ఫైబర్ సంవృద్ధిగా లభిస్తుంది. .
4. అటుకులు: అటుకులు నూనె లేకుండా వేయించి ఉప్పు, వేరుశనగ లు ,టమాటాలు, పచ్చిమిర్చి,ఉల్లిపాయ ముక్కలు వేసి టేస్టీ స్నాక్ తయారు చేసుకోవచ్చు… దీనిలో ఫైబర్ మరియు పోషకాలు ఉంటాయి. ఐరన్ ఉండటం వల్ల ఆరోగ్యానికి చాలా మంచిది. మరింత ప్రయోజనం ఉండాలంటే ఎర్ర బియ్యం నుండి తయారు చేసిన అటుకులు వాడితే మరింత ఆరోగ్యం.
5. పళ్ళు : మనకు దొరికే రకరకాల పళ్లతో మంచి సలాడ్ చేసుకోవచ్చు. తీపిని ఇష్టపడే వారికి బాగా నచ్చుతుంది. అలాగే రోగ నిరోధక శక్తిని పెంచడం తో పాటు చర్మం యొక్క ఆరోగ్యాన్ని పెరిగేలా చేస్తుంది.
6. డ్రై ఫ్రూట్స్ : ఎన్నో రకాల డ్రై ఫ్రూట్స్ మనకు అందుబాటులో ఉంటాయి. వీటన్నిటిని కలిపి లేదా మీకు ఇష్టమైనది ఏదైనా ఒకదాన్ని తినవచ్చు. బయట కొనుక్కునే సాల్ట్ కలిపి ఫ్రై చేసిన డ్రై ఫ్రూట్స్ లో సోడియం అధికంగా ఉంటుంది. కాబట్టి ఇలాంటి వాటికి దూరంగా ఉండండి. డ్రై ఫ్రూట్స్ ఆరోగ్యానికి చాలా మంచిది… వాటిలో ఉండే విటమిన్లు ,ప్రోటీన్లు రోగ నిరోధక శక్తిని పెంచి ఆరోగ్యంగా ఉండేలా చేస్తాయి.
