Health: మనిషి లో మానసిక సమస్యలు ఏమైనా వస్తే సరిగా ఆలోచించలేరు , మంచిగా మాట్లాడలేరు సరిగ్గా పని చేసుకోలేరు.
ఇలా రక రకాల సమస్యలు వస్తుంటాయి. చాలా మంది మానసిక సమస్యలు ఉంటే కొన్ని తప్పులు చేస్తారు అని నిపుణులు తెలియచేస్తున్నారు. మానసిక ఆరోగ్యం బాగాలేదు అని అనిపిస్తే కనుక నిర్లక్ష్యం చేయకుండా మానసిక నిపుణులను సంప్రదించి వారి సలహాలు ,సూచనలు పాటిస్తే మీ మానసిక సమస్యకి పరిష్కారం దొరుకుతుంది అని సూచిస్తున్నారు నిపుణులు.
మానసిక సమస్యలతో బాధపడుతూ ఉంటే ఈ పొరపాట్లు మాత్రం జరగకుండా చూసుకోండి. మానసిక సమస్య తో ఉన్నవారు ఒత్తిడికి త్వరగా లోనవుతారు. దీంతో సమస్య మరింత తీవ్రమవుతుంది. ఒత్తిడిని తగ్గితే అన్నివిధాలా ఆరోగ్యం కలుగుతుంది. ఆఫీస్, ఇల్లు లేదా ఇంకా ఏ కారణాల వల్ల ఎక్కువ ఒత్తిడి కలిగిన కూడా దాన్ని అదుపు చేసుకోవడానికి బాగా ట్రై చేయండి.మానసిక సమస్యలు ఉన్నవారు సరైన ఆహారం తీసుకోరు. ఈ తప్పు మాత్రం అసలు చేయకండి. మంచి పోషకాహారం తీసుకుంటే మానసిక అనారోగ్య సమస్యల మీద విజయం సాధించవచ్చు.ఆహారం లో ఒమేగా 3 ఫ్యాటీ యాసిడ్స్ ఉండే ఆహార పదార్థాలు, కూరగాయలు, పండ్లు ఎక్కువగా ఉండేలా చూసుకోండి.
మానసిక సమస్యలతో ఉన్నప్పుడు నిద్ర వస్తుంటే మాత్రం ఆపుకోకూడదు. అలా చేయడం మీకు అసలు మంచిది కాదు. రోజుకు కనీసం ఎనిమిది గంటలు హాయి గా నిద్ర పోవాలి.నిద్ర పొతే అన్నిరకాల ఒత్తిళ్లు తగ్గి విశ్రాంతి లభిస్తుంది.ఇలా చిన్న చిన్న విషయాలు మీద శ్రద్ధ పెడితే ఈ సమస్య నుంచి తేలికగా త్వరగా బయటపడవచ్చు. అలా చేయకపోతే మాత్రం సమస్య మరింత ప్రమాదకరంగా తయారవుతుంది.మానసిక సమస్య ఉంది అని అనిపించినవారు డాక్టర్ని సంప్రదించడం లో కానీ, ఒత్తిడి తగ్గించుకోవడం లో కానీ, ఆహారం తీసుకోవడం లో కానీ ,నిద్ర పోవడం లో కానీ నిర్లక్ష్యం చేస్తే సమస్య మరింత తీవ్రమవుతుంది అని గుర్తు పెట్టుకోండి.