Beauty Tips: మొటిమలు పై కలబంద ఎలా పనిచేస్తుంది అనేది తెలుసుకుందాం. రాత్రి పడుకునే ముందు కలబంద డైరెక్ట్ గా మొటిమలపై అప్లై చేసుకుని పొద్దున్న లేచాక మొహం కడిగేసుకోవాలి.కలబంద 8 భాగాలు నిమ్మరసం 1 భాగం కలిపి రాయడం వల్ల కూడా మంచి ప్రయోజనం ఉంటుంది.ఈ మిశ్రమాన్ని ముఖం పై మాత్రమే రాయాలి కంటి ప్రాంతానికి కానీ , ముఖం యొక్క ఇతర సున్నితమైన భాగాల కు కానీ రాసుకోకూడదు.10 నిమిషాలు పాటు ఆరనిచ్చి నీటితో శుభ్రం చేసుకోవాలి.
Beauty Tips: ఇలా చేయడం వలన ముఖంపై ముడతలు తగ్గుతాయి.
కలబంద ప్రతి రోజు తినే వారిలో మూడు నెలల తర్వాత, ముఖంపై ముడతలు తగ్గి చర్మం మృదువుగా మారుతుంది.
దీనికి గల కారణం కలబంద లో కొల్లాజెన్ ఉత్పత్తి ప్రోత్సహించే అసేమన్నన్ అనే సమ్మేళనం ఉండడం వలన వృద్ధాప్య ఛాయలు ఆలస్యం చేయడానికి కలబంద ఉపయోగపడుతుంది.కలబంద అనేక రకాల జుట్టు సమస్యలతో సమర్థవంతంగా పోరాడుతుంది. అలోవెరా లోని ప్రోటియోలైటిక్ ఎంజైమ్స్ మాడుపై ఉండే దెబ్బతిన్న కణాలను బాగుచేయడం తో పాటు కుదుళ్ళ ఆరోగ్యాన్ని బాగు చేసి, జుట్టు త్వరగా పెరిగే విధంగా చేస్తుంది. అలోవెరా జుట్టుకి రాసిన వెంటనే మృదువుగా,మెత్తగా తయారవుతుంది.
మృదువైన జుట్టు వలన హెయిర్ స్టైలింగ్ సులభమవుతుంది. అలోవెరా లో ఉండే ఫంగల్ వ్యతిరేక లక్షణం చుండ్రు ను తగ్గిస్తుంది.
అలోవెరా,కొబ్బరి నూనె, సమానంగా కలపడం వలన మ్యాజిక్ హెయిర్ ప్యాక్ రెడీ అవుతుంది. వారంలో 2 సార్లు ఈ ప్యాక్ ను జుట్టుకు అప్లై చేసి నెమ్మదిగా మసాజ్ చేసుకోవాలి. మొదళ్లకు ఎక్కువగా రాయండి. బాగా తల అంతా పట్టించి, ఒక గంట తర్వాత కడిగేసుకోవాలి. ఈ అద్భుతమైన కండీషనింగ్ టెక్నిక్ మీ జుట్టు తేమను కోల్పోకుండా రక్షణ కల్పిస్తుంది.
