Mosquito: దోమకాటు వలన చాలా రకాల వ్యాధులు వస్తాయని మన అందరికి తెలిసిన విషయమే. అందుకే మన ఇంట్లోకి దోమలు రాకుండా పలు జాగ్రత్తలు తీసుకుంటూ ఉంటాము.దోమ కాటు వల్ల మలేరియా, డెంగ్యూ, టైఫాయిడ్ వంటి విష జ్వరాల బారిన పడి చాలా మంది తమ ప్రాణాలను సైతం కోల్పోయారు. ఈ దోమల బెడద తగ్గడానికి మనం చేయని ప్రయత్నం అంటూ లేదు కదా.. మార్కెట్ లో దొరికే అన్ని రకాల దోమల నివారణ మందులను వాడుతున్నాం కానీ ఫలితం అనేది కనిపించడం లేదు.అంతేకాకుండా ఇలా బయట దొరికే దోమల మందులలో ఎక్కువ మొత్తంలో రసాయనాలను ఉపయోగిస్తారు.ఈ మందులను ఉపయోగించడం వల్ల అనారోగ్యాల బారిన పడే అవకాశాలు కూడా లేకపోలేదు. అందుకే ఎటువంటి రసాయనాలు లేకుండా ప్రకృతిలో సహజ సిద్దంగా లభించే ఒక మొక్కను ఉపయోగించడం వలన మన ఇంట్లో ఉండే దోమలను నివారించుకోవచ్చు.
- Read the latest news from NEWSORBIT
- Follow us on facebook , Twitter , instagram and Googlenews
Mosquito: గడ్డి చామంతి మొక్క యొక్క ఉపయోగాలు :
మరి ఆ మొక్క ఏంటి.. ఎలా దానిని ఉపయోగించాలి అనే విషయాలు తెలుసుకుందామా. నిజానికి మన ఇంటి చుట్టు పక్కలనే మనకు తెలియని చాలా రకాల ఔషధ మొక్కలు పెరుగుతూ ఉంటాయి. వాటి యొక్క ఉపయోగాలు గురించి మనకు తెలియదు కానీ వాటి వలన చాలా రకాల ప్రయోజనాలు ఉంటాయి..అలాంటి మొక్కలల్లో ఒకటి గడ్డి చామంతి మొక్క. ఈ మొక్కలు మనకు చాలా చోట్ల కనబడుతూనే ఉంటాయి. ఈ గడ్డి చామంతి మొక్కలలో ఎన్నో ఔషధ గుణాలతో పాటు రోగాలను నయం చేయడంలో కూడా ఈ మొక్క ఎంతగానో ఉపయోగపడుతుంది.అలాగే దోమలను తరిమిగొట్టడంలో కూడా ఈ గడ్డి చామంతి మొక్క బాగా ఉపయోగపడుతుంది.
- Read the latest news from NEWSORBIT
- Follow us on facebook , Twitter , instagram and Googlenews
దోమల నియంత్రణలో గడ్డి చామంతి మొక్క యొక్క పాత్ర :
అందుకు ఏమి చేయాలంటే కొన్ని గడ్డి చామంతి మొక్క ఆకులను తీసుకుని వాటిని ఎండలో ఎండబెట్టాలి.ఇలా ఎండలో ఎండబెట్టిన ఆకులను ఒక మట్టి కుండలో ఉంచి పొగ పెట్టండి. ఇలా చేసే ముందుగా మీ ఇంటి యొక్క కిటికీలు, తులపులు అన్ని మూసేసి ఉంచడం మర్చిపోకండి.ఇలా ఎండిన గడ్డి చామంతి మొక్కల ఆకులను పొగ పెట్టిన పదిహేను నిమిషాల తరువాత తలుపులు, కిటికీలు తీయాలి. ఇలా ఈ ఆకులను పొగ పెట్టడం వలన ఇంట్లో ఉండే దోమలు అన్ని చనిపోతాయి. అయితే ఈ పొగను పీల్చడం వల్ల మన ఆరోగ్యానికి ఏటువంటి హాని జరగదు. ఎన్నో డబ్బులు ఖర్చుపెట్టి బయట దొరికే దోమల మందులు ఉపయోగించడం కంటే రూపాయి ఖర్చు లేకుండా ఈ గడ్డి చామంతి మొక్కను ఒకసారి మీ ఇంట్లో దోమలను నివారించడంలో ఉపయోగించి చుడండి.
