Condensed Milk: మిల్క్ మెయిడ్ అదేనండి కండెన్స్ మిల్క్.. మనం చేసే చాలా రకాల స్వీట్స్, కేక్స్, ఐస్ క్రీమ్స్ లో ఈ కండెన్స్ మిల్క్ ను ఉపయోగిస్తాం.. ఎక్కువగా షాప్ నుంచి మిల్క్ మెయిడ్ ని తెచ్చుకొని ఉపయోగిస్తూ ఉంటాము.. అందుకు బదులుగా మన ఇంట్లోనే కేవలం ఐదు నిమిషాల్లోనే కండెన్స్ మిల్క్ ను తయారు చేసుకోవచ్చు.. ఎలా తయారు చేసుకోవాలో.. అందుకు కావల్సిన పదార్థాలు ఏంటో ఇప్పుడు చూద్దాం..!
కండెన్స్ మిల్క్ తయారీ విధానం..!
పాల పొడి రెండు కప్పులు, చిక్కని పాలు పావు లీటర్, పంచదార ఒక కప్పు, బేకింగ్ సోడా పావు టీ స్పూన్, కాన్ ఫ్లోర్ ఒక చెంచా అవసరం.
ముందుగా ఒక గిన్నె తీసుకొని అందులో పాలపొడి పంచదార బేకింగ్ సోడా కాన్ ఫ్లోర్ వేసి కలపాలి ఇందులో పాలు కూడా పోసి ఉండలు కట్టకుండా కలపాలి. ఇప్పుడు స్టవ్ వెలిగించి ముందుగా సిద్ధం చేసుకున్న గిన్నెను పొయ్యి పెట్టీ బాగా మరిగించాలి. ఇప్పుడు సన్నని మంటపై పాలు చిక్కబడే వరకు మీగడ కట్టకుండా తిప్పుతూ ఉండాలి. పాలు మొత్తం దగ్గరకి వచ్చిన తరువాత స్టవ్ ఆఫ్ చెయ్యాలి. అంతే కండెన్స్ మిల్క్ రెడీ. ఈ మిల్క్ చల్లగా అయ్యాక సర్వ్ చేసుకోవాలి. కండెన్స్ మిల్క్ ను ఒక గాజు సీసాలో నిల్వ చేసుకోవాలి మూడు నెలల పాటు వాడుకోవచ్చు..
