Intermittent Fasting: ఇంటర్మిటెంట్ ఫాస్టింగ్ లో రోజులో 8 గంటలు మనకు నచ్చిన ఆహారం ఎంతైనా తినవచ్చు.. మిగతా 16 గంటల పాటు లిక్విడ్స్ మాత్రమే తీసుకోవాలి.. ఇంటర్మిటెంట్ ఫాస్టింగ్ వలన కలిగే లాభాలు ఏంటి..!? నష్టాలు ఉన్నాయా. !? ఎవరు ఈ ఫాస్టింగ్ చేయకూడదు..!? అనే విషయాలు ఇప్పుడు చర్చించుకుందాం..!!
ఈ ఫాస్టింగ్ చేయడం వలన కలిగే లాభాలలో ముఖ్యమైనది బరువు ఆటోమేటిక్ గా తగ్గుతారు. అధిక బరువుతో బాధపడుతున్న వారికి ఈ డైట్ చక్కటి ప్రత్యామ్నాయంగా చెప్పవచ్చు. ఈ ఫాస్టింగ్ చేయడం వలన శరీరంలోని కొవ్వు శాతం తగ్గి గుండె సమస్యలు రాకుండా ఉంటాయి. అంతే కాదు భయంకరమైన క్యాన్సర్ వంటి వ్యాధులు దూరం అవుతాయి. ఈ డైట్ ఫాలో అవడం వల్ల క్యాన్సర్ దరిచేరదని ఆరోగ్య నిపుణులు చెబుతున్నారు.
ఇన్ని లాభాలు ఉన్న ఈ డైట్ లో కొన్ని నష్టాలు కూడా ఉన్నాయి. ఈ డైట్ ను ఎవరు చేయకూడదు అంటే.. గర్భవతులు, బాలింతలు, టీనేజ్లో ఉన్న వాళ్ళు, పిల్లలు, గర్భ ధారణ కోసం ప్రయత్నిస్తున్న వారు, ఫెర్టిలిటీ ప్రాబ్లమ్స్ ఉన్నవారు, బ్లడ్ షుగర్ లో లెవెల్స్ లో తేడా ఉన్న వారు, టైప్ -1 డయాబెటిస్ వారు, ఈటింగ్ డిజార్డర్స్ ఉన్నవారు ఈ డైట్ ను ఫాలో అవ్వకూడదు. ఇంటర్మిటెంట్ ఫాస్టింగ్ మగవారికి సెట్ అయినంతగా ఆడవారికి సూట్ అవ్వకపోవచ్చు. ఈ డైట్ ఫాలో అవుతున్న కొంతమంది స్త్రీలకు పీరియడ్స్ రావడం ఆగిపోయింది. మళ్ళీ మామూలుగా తిన్న తర్వాత సక్రమంగా ఋతుక్రమం రావడం మొదలైంది. మీరు ఈ డైట్ ను ఫాలో అవ్వాలి అనుకుంటే కచ్చితంగా వైద్యుల సలహా, సూచనల మేరకు మాత్రమే పాటించండి.
