Kitchen: వంటగది అంటే అన్నపూర్ణాదేవి ఆవాసం. ఇంట్లో పూజ గదిని ఎంత శుభ్రంగా శుచిగా పవిత్రంగా ఉంచుకుంటామో.. వంటింటిని కూడా అలాగే ఉంచుకోవాలి. వాస్తు శాస్త్రం ప్రకారం కొన్ని వస్తువులు పొరపాటును కూడా వంటగదిలో పెట్టుకోకూడదు. ఇంట్లో వారికి రుచికరమైన ఆరోగ్యవంతమైన ఆహారం తయారయ్యే చోటది.. ఈ వస్తువులు పెట్టకూడదని పెడితే కొన్ని దుష్ప్రమాణాలు కలుగుతాయని వాస్తు నిపుణులు చెబుతున్నారు. వంటింట్లో ఎలాంటి వస్తువులు పెట్టకూడదు.!? ఎటువంటి వస్తువులు పెట్టాలో.!? ఇప్పుడు తెలుసుకుందాం..!
వంట గదిలో చీపురు, మందులు, అద్దం ఈ మూడింటిని ఉంచుకోకూడదు. చీపురుని లక్ష్మీ స్వరూపంగా భావిస్తారు. వంటగది మొదలుకుని చీపురుతో ఇల్లంతా చేస్తారు. ఆ తర్వాత దానిని ఎప్పుడూ కూడా వంటగదిలో ఉంచుకోకూడదు. అలా ఉంచితే అశుభం. వంటగదిలో చీపురు ఉంచితే ఇంట్లో వారికి అనారోగ్యాలు కలుగుతాయట. అన్నపూర్ణా దేవి అలుగుతుందని కూడా వాస్తు చెబుతోంది. ఇంట్లో ధాన్యం నిలువలు కూడా తగ్గిపోతాయి. వంటింట్లో అందరి ఆయురారోగ్యాల కోసం ఆహారం తయారవుతుంది. అక్కడ పొరపాటున కూడా మందులు ఉంచకూడదు. అలా చెయ్యడం వల్ల ఇంట్లోకి నెగెటివ్ ఎనర్జీ వస్తుంది. ఫలితంగా కష్టాలు, అనారోగ్యాలు, ఆర్ధిక ఇబ్బందులు రావచ్చు. అందువలన ఇంట్లో ఎవరు వాడే మందులైనా సరే వంట గదిలో కాకుండా మరెక్కడైనా పెట్టుకోవాలి.
వంట గదిలో అద్దం ఉండకూడదు. కిచెన్ లో అద్దం ఉండడం వల్ల అగ్నికి ప్రతిబింబం ఏర్పడుతుంది. అద్దంలో శక్తి ఉత్పత్తి అవుతుంది. ఇది ఇంటికి చాలా హానికరం. వంటగదిలో అద్దం ఉంటే కష్టాలు ఎన్నటికీ తీరవని వాస్తు చెబుతోంది. ఈ మూడు వస్తువులు వంట గదిలో లేకుండా జాగ్రతలు తీసుకోవాలి. పాడైపోయిన వస్తువులను ఇంట్లో ఉంచుకోవడం అశుభం. వంటగదిలో పాడైపోయిన వస్తువులు, పనికిరాని పాత్రల వంటి వ్యర్థాలు ఉంచుకోకూడదు. ఇది అన్నపూర్ణ దేవికి చేసే అవమానంగా భావించాల్సి ఉంటుంది. కనుక వంటింట్లో పనికిరాని వస్తువులు ఏమున్నా తీసెయ్యాలి. పొరపాటున ఈ వస్తువులు మీ కిచెన్ లో లేకుండా చూసుకోండి. ఉంటే వెంటనే తీసేస్తే బెటర్.