బలమే జీవితం బలహీనతే మరణం అని చాటిన గొప్ప దీశాలి స్వామీజీ వివేకానందుడు. ప్రతి మనిషికి బలం బలహీనత రెండు ఉంటాయి..
వాటిని జయించ గలగాలి. బలహీనతని జయించాలి అంటే ముందుగా దాన్ని గుర్తించాలి. ఎ వ్యక్తి అయితే తన బలం గురించే మాత్రమే కాకుండా, తన బలహీనత గురించి కూడా తెలుసుకుంటాడో, అలాగే అతని బలహీనతని తన బలంగా మలచుకోగాలుగుతాడో, అతని కి విజయావకాశాలు చాల ఎక్కువగా వుంటాయి. ప్రతి బలహీనతలోను ఒక బలం వుంటుంది కాబట్టి మీ బలాలపై దృష్టి పెట్టండి, బలహీనతల పైన కాదు,మీ బలహీనతలను కూడా మీ బలంగా మార్చుకొని, మీరు కోరుకున్న రంగంలో, మీరు కోరుకున్న విధంగా, నిజ జీవితంలో ఒక విజేతగా నిలబడగలరు..
మీ బలహీనత ఏంటో మీకు తెలిసిన తరువాత, ఆ బలహీనత ఎదుర్కొనే పరిస్థితి వస్తే, ఆ పరిస్థితిని సమర్ధవంతంగా ఎదుర్కోవడానికి సంసిద్దంగా వుండండి. ముఖ్యంగా ఆ బలహీనత మీకు ఎలాంటి ఇబ్బంది కలిగిస్తుంది, ఆ బలహీనత యొక్క ప్రభావాన్ని తగ్గించడానికి ఎలాంటి చర్యలు తీసుకోవాలో ఆలోచించండి. ఆ తర్వాత ఆ చర్యలు తీసుకోండి. కొన్ని సార్లు మన బలహీనతని మనం గుర్తించలేకపోవచ్చు.
ఇది చాల సహజం, అయితే మన నమ్మకస్తులు లేదా మన శ్రేయోభిలాషులు మాత్రం ఈ విషయంలో మనకి సహాయపడగలరు. మీరు బాగా నమ్మే ఒక బంధువుని కానీ, ఒక మిత్రున్ని కానీ, ఒక టీచర్ ని కాని సెలెక్ట్ చేసుకొని, మీ గురించి వారిని అడగండి. వారి పరిశీలన ప్రకారం, మీలో వారు చూసిన బలహీనత ఏంటో అడగండి. వారు చెప్పిన విషయాల గురించి ఆలోచించి ఒక నిర్ణయానికి రండి.
అప్పుడు మీ బలహీనతల్ని బలం వైపు తిప్పి విజయం సాధించండి . బలహీనతలను గుర్తించిన వెంటనే వాటిని బలం గా మార్చుకుంటే జీవితం ఎంత సుఖమయమవుతుందో అర్ధం అవుతుంది .. ఒకవేళ బలహీనతను బలం గామార్చుకోవడం లో విఫలమయిన మళ్ళి ,మళ్ళి ప్రయత్నిస్తూనే ఉండండి,తప్పక విజయం సాధిస్తారు…
