Mango: పండల్లో రారాజు మామిడి పండు.. వేసవి కాలం రావడంతోనే మామిడి పండ్ల సీజన్ మొదలవుతుంది.. మామిడి సహజ సిద్ధమైన తియ్యదనం తోపాటు చక్కటి ఆరోగ్యాన్ని కూడా అందిస్తుంది.. ఇందులో విటమిన్స్, మినరల్స్, యాంటీ ఆక్సిడెంట్లు పుష్కలంగా ఉన్నాయి.. ఇన్ని ప్రయోజనాలు ఉన్న మామిడి పండును ఈ సమస్యలు ఉన్నవారు తింటే కోరి అనారోగ్య సమస్యలు తెచ్చుకున్నట్టే..
బరువు తగ్గాలి అనుకునే వారు మామిడిపండ్ల జోలికి అస్సలు వెళ్ళకూడదు. ఒక్క మామిడి కాయలలో 150 కేలరీలు ఉంటాయి. బరువు తగ్గాలని ప్రయత్నించేవారు సాధ్యమైనంత వరకు వీటికి దూరంగా ఉండాలి. సహజంగా మామిడి పండు శరీరానికి వేడి చేస్తుంది. అధికంగా తినటం వలన ముఖంపై మొటిమలు వస్తాయి. చర్మంపై వేడి బొబ్బలు, పొక్కులు వస్తాయి. ఇందులో ఫైబర్ అధికంగా ఉంటుంది. ఈ పండు ను అధికంగా తీసుకుంటే కడుపు నొప్పి, విరోచనాలు అవుతాయి. జీర్ణ శక్తి మందగిస్తుంది.
మామిడి పండ్లలో చక్కెర శాతం ఎక్కువగా ఉంటుంది ఇది డయాబెటిస్ తో ఉన్నవారు తింటే మాత్రం షుగర్ లెవెల్స్ మరింత పెరుగుతాయి. మామిడి పండు తింటే కొందరికి అలర్జీ వస్తుంది. మరి కొందరిలో ముక్కు కారడం, శ్వాస తీసుకోవడంలో ఇబ్బంది, కడుపు నొప్పి వంటి సమస్యలు వస్తాయి. అటువంటి వారు వీటిని తినకపోవడమే మంచిది. మామిడి పండ్లను మగ్గ పెట్టడానికి తరచుగా అనేక రకాల రసాయనాలను ఉపయోగిస్తారు. వీటి వలన శరీరానికి హాని కలుగుతుంది.