Marriage: పెళ్లి జరిగి రాగానే ఆడవారి మీద ఆధిపత్యం తమదే అని భావిస్తారు చాలా మంది మగవారు . ఈ డ్రెస్ వేసుకోకు , వాళ్లతో ఎందుకు మాట్లాడుతున్నావ్ , అక్కడికి వెళ్లకు ఇలా అదుపు చేయాలని చూస్తారు. ఇలాంటి వాళ్లను స్త్రీలు వీలైనంత త్వరగా వదిలించుకోవాలని భావిస్తారు.స్త్రీ కి తన సంపాదన మీద తనకు హక్కు లేకపోవడం, ఆమె సంపాదన మీద అతను పెత్తనం చలాయించడం అనేది చివరకు విడిపోవడానికి కారణం అవుతుంది.
వ్యక్తిగత జీవితాన్ని బాగా డామినేట్ చేయడం, అనుమానించడం, ఎవరితో మాట్లాడినా ఇష్టపడకపోవడం, ఇంటి బాధ్యతలు, ఆర్థిక బాధ్యత స్త్రీల మీద వదిలేసి ఏమీ పట్టనట్టు తిరిగే మగవారిని వదిలించుకోవాలి అని స్త్రీలు ఆలోచిస్తూ ఉంటారు.బాధ్యత అనగానే ఇంటికి అవసరమైన వస్తువులు తెచ్చి పడేయడం, ఆర్థిక భారం మోయడం మాత్రమే అనుకుంటే పొరపాటే, ఆరోగ్యం బాగోలేనప్పుడు దగ్గర ఉండి చూసుకోవడం, ప్రేమగా పలకరించడం , భావోద్వేగాల్లో పాలు పంచుకోవడం కూడా బాధ్యతలే.. స్త్రీలకు స్వేచ్ఛ ఇవ్వకపోవడం.. ఆమె స్వతంత్రంగా ఉండడానికి ఇష్ట పడక పోవడం స్వతంత్రంగా ఉంటుంది కాబట్టి ఏమి పట్టించుకో నక్కరలేదు అని నిర్లక్ష్యం చేయడం కూడా విడిపోవడానికి ఒక కారణం.
చాలామంది మగవారు ఇళ్లలో అనవసరపు ఆంక్షలు అమలు చేస్తుంటారు. ఇవి ఆడవారికి జైల్లో ఉన్న భావనని కలిగిస్తాయి. మాట్లాడితే తప్పు, నడిస్తే తప్పు,కదిలితే తప్పు, కూర్చుంటే తప్పు లాగా మాట్లాడుతూ ఉంటారు. ఇలాంటి పరిస్థితుల్లో వారిని వదిలించుకోవడం ఉత్తమం అని బలం గా అనుకుంటారు.కాబట్టి మగవారిలో ఇలాంటి ఆలోచనలు ఉంటే త్వరగా బయటపడటం మంచిది.