Amla Seeds: ఉసిరికాయ మన ఆరోగ్యానికి మంచిది అని అందరికీ తెలిసిందే ఈ చెట్టుకు కార్తీక మాసంలో విశేష పూజలు చేస్తూ ఉంటారు.. ఉసిరికాయలు బోలెడు ఔషధగుణాలు ఉన్నాయి.. వీటిని తింటే రోగ నిరోధక శక్తిని పెంపొందించడం తోపాటు అనేక అనారోగ్య సమస్యలు రాకుండా అడ్డుకుంటుంది.. ఉసిరి కాయే కాదు అందులోని విత్తనాలు కూడా ఆరోగ్యానికి ఎంతగానో మేలు చేస్తాయని ఆయుర్వేదం చెబుతోంది..
ఉసిరి గింజలు లో విటమిన్ సి, పొటాషియం, క్యాల్షియం, ఐరన్, మెగ్నీషియం, యాంటీ ఆక్సిడెంట్స్, యాంటీ వైరల్, యాంటీ సెప్టిక్ గుణాలను కలిగి ఉంది. కంటిలో దురద, మంట, కళ్లలో ఎర్రబారడం వంటి సమస్యలు ఉన్నవారు.. ఉసిరి గింజలను మెత్తగా నూరి కళ్లపైన, కింది భాగంలో రాసుకోవాలి. లేదంటే రెండు చుక్కల ఉసిరి రసాన్ని కంటిలో వేస్తే కంటి నొప్పి నుంచి ఉపశమనం లభిస్తుంది. ఉసిరి గింజలను ఎండబెట్టి దంచి పొడిచేసుకోవాలి. ఈ పొడిని ప్రతిరోజు తీసుకుంటూ ఉంటే జీర్ణ సంబంధిత సమస్యలను తొలగిస్తుంది. ఈ పొడిలో కొద్దిగా తేనె కలిపి తీసుకుంటే బరువు తగ్గడానికి సహాయపడుతుంది.
10 గ్రాముల ఉసిరి గింజలను ఎండలో ఎండబెట్టి, వాటిని మెత్తగా పొడిగా చేసుకోవాలి. అందులో 20 గ్రాముల చెక్కెర పొడిని కలిపి ఉంచుకోవాలి. ఉదయం ఖాళీ కడుపుతో 1 గ్లాసు నీటిలో ఒక టీస్పూన్ పొడిని కలిపి 15 రోజుల పాటు వరుస తీసుకోవాలి. ఇలా చేస్తే నిద్రలేమి నుండి బయట పడేస్తుంది. ప్రశాంతమైన నిద్ర పడుతుంది. కొందరికి ముక్కు నుంచి రక్తస్రావం వస్తుంది. ముఖ్యంగా వేసవిలో ఇలాంటి సమస్య ఎక్కువగా కనిపిస్తుంది. ఈ సమస్య నుంచి బయటపడాలంటే ఉసిరి గింజల పేస్ట్ని రాస్తే సరిపోతుంది. ఉసిరి గింజలకు కాస్త నీటిని కలిపి గ్రైండ్ చేసి పేస్ట్లా చేయాలి. ఆ పేస్ట్ను నుదిటిపై అప్లై చేస్తే తలనొప్పి తగ్గుతుంది.