Blue Light: నేటి స్మార్ట్ యుగంలో ఎవరి చేతిలో చూసినా స్మార్ట్ ఫోన్ కనిపిస్తూనే ఉంది.. అవసరానికి మించి ఫోన్, టాబ్లెట్స్, కంప్యూటర్స్ పై మనం ఎక్కువగా ఆధారపడుతున్నాం.. స్మార్ట్ ఫోన్ వినియోగం గురించి ఎంత చెప్పుకున్నా కూడా తక్కువే.. సరదా అయినా, సంతోషమైన, దుఃఖమైనా మనుషులతో కాకుండా ఫోన్ తోనే గడిపేస్తున్న రోజులు ఇవి.. కానీ వీటిని ఎక్కువగా ఉపయోగించడం వలన ఎన్ని దుష్ప్రభావాలు కలుగుతాయో చూడండి..!!
తాజాగా జరిపిన అధ్యయనాలు ఏం చెబుతున్నాయంటే.. ఎలక్ట్రానిక్ గాడ్జెట్స్ పై ఎక్కువ సమయం వాటితోనే గడిపితే త్వరగా వృద్ధాప్యం వస్తుందట.. ఎక్కువ సమయం ఫోన్ స్క్రీన్ చూడటం వల్ల చర్మం, మెదడు కణాలపై చెడు ప్రభావం చూపుతోందని పరిశోధకులు తేల్చారు.. కంప్యూటర్ స్క్రీన్, మొబైల్, టాబ్లెట్, ల్యాప్టాప్ లో ఫోన్ ల నుండి వెలువడే బ్లూ లైట్ను ఎక్కువగా చూడటం వలన హానికరమైన ప్రభావాలు వస్తాయట.. ఇవి కణాల నుండి న్యూరాన్ల వరకు మన శరీరంలోని జీవక్రియ స్థాయిలను ప్రభావితం చేస్తాయి. నీలి కాంతిలో మెటాబోలైట్ సక్సినేట్ స్థాయిలు పెరుగుతాయి . ఇవి ప్రతి కణం పనితీరును, పెరుగుదలను నియంత్రిస్తాయి. బ్లూ కిరణాలు మన శరీరం మీద పడటం వల్ల శరీరంలోని శక్తి కణాలు క్షీణిస్తాయి.. నెమ్మదిగా వృద్ధాప్య ఛాయలు మొదలవుతాయి. పెరిగి మెదడు పనితీరును మందగించేలా చేస్తాయి. ఈ బ్లూ లైట్ వలన శరీరం, మెదడు నీలి కాంతి ప్రభావంతో వాటి పనితీరును, ఉత్సాహాన్ని కోల్పోతాయి..
సాధ్యమైనంత వరకు మొబైల్ ను చూడడం తగ్గించాలి లేదంటే మీకు జ్ఞాపక శక్తి కూడా తగ్గుతుంది.. ముఖ్యంగా రాత్రి సమయంలో ఫోన్ లను ఎక్కువగా వినియోగించడం మంచిది కాదు.. ఇది కంటిపై ఎక్కువ ప్రభావాన్ని చూపిస్తుంది..