Aloe Vera: ఆరోగ్య సమస్య ఏదైనా కలబంద వాడండి.. ఇది సర్వరోగ నివారిణి అంటూ చాలా మంది ఉచిత సలహాలు ఇస్తారు.. అయితే వారికి కలబంద గురించి పూర్తిగా తెలియదు అని అర్థం.. కలబంద వాడటం వలన ఎంత లాభం ఉందో.. దానిని సరైన రీతిలో ఉపయోగించకపోతే అంతకంటే ఎక్కువ ప్రమాదమని వారికి తెలియక పోవచ్చు..!! కలబంద ను ఎక్కువగా తీసుకుంటే ఎటువంటి ఆరోగ్య సమస్యలు తలెత్తుతాయో ఇప్పుడు తెలుసుకోండి..!!
Aloe Vera: కలబంద వాడకం ఎక్కువ అయితే ఈ ముప్పు తప్పదు..!!
కలబంద లో రెండు రకాలు ఉంటాయి. ట్రాన్స్పరెంట్ గా కనిపించే గుజ్జు.. పసుపు రంగులో కనిపించే లేటెక్స్.. ఈ లేటెక్స్ ను తక్కువ మోతాదులో కూడా తీసుకోకూడదు. దీని వలన కిడ్నీ సమస్యలు, కడుపునొప్పి, పొటాషియం లెవెల్స్ పడిపోవడం వంటి సమస్యలు వస్తాయి. వీటికి తోడు మరి కొన్ని సైడ్ ఎఫెక్ట్స్ అదనం. ట్రాన్స్పరెంట్ గా ఉండే కలబంద జ్యూస్ ను అతిగా తాగితే లివర్ ఇన్ఫ్లమేషన్ కు దారితీస్తుంది. దీనిలో ఉండే అనేక బయోయాక్టివ్ సమ్మేళనాలు కాలేయ పని తీరును అడ్డుకుంటాయి.
ఎక్కువ కాలం పాటు కలబంద రసం తీసుకుంటే మలబద్ధకం సమస్య వస్తుంది. కలబంద రసం తాగడం వల్ల గుండె సంబంధిత వ్యాధులు వస్తాయి. అందుకు మన శరీరంలో పొటాషియం లెవెల్స్ తగ్గడమే. సడన్ గా పొటాషియం లెవెల్స్ తగ్గితే గుండెపోటు వచ్చి ప్రాణాంతకం కూడా కావచ్చు. హెమరాయిడ్స్ ఉన్నవారు కలబంద జోలికి వెళ్లకపోవడమే ఉత్తమం. ఆపరేషన్లకు వెళ్లే రెండు వారాల ముందు నుంచే కలబందను వాడటం ఆపేయాలి. ఉదర సంబంధిత సమస్యలతో బాధపడుతున్న వారు కలబంద రసం తీసుకోకూడదు. ఇది కొన్ని రకాల పేగు సంబంధిత వ్యాధులకు కారణం అవుతుంది. అధిక మొత్తంలో కలబంద గుజ్జు తీసుకోవటం వలన విరోచనాలు, అతిసారం వచ్చే అవకాశం ఉంది.
మధుమేహం ఉన్న వారు అలోవేరా ను తీసుకోవడం వలన రక్తంలో బ్లడ్ షుగర్ లెవల్స్ ను అమాంతం ఒక్కసారిగా తగ్గిస్తుంది. ఇది డయాబెటిస్ వారికి ఏ మాత్రం మంచిది కాదు. కలబంద గుజ్జు ఉంది కదా అని అదే పనిగా ఎక్కువగా వాడుతూ ఉంటే స్కిన్ అలర్జీ వస్తుంది. ఇంకా దద్దుర్లు, కనురెప్పలు ఎర్రబడటం, చర్మం పొడిబారడం, చర్మం పగలటం వంటి సమస్యలు వస్తాయి. వైద్యుల సూచన మేరకే కలబంద ను ఉపయోగించడం మంచిది.