Onion Tea: ఉల్లి చేసిన మేలు తల్లి కూడా చేయదు అంటారు పెద్దలు.. ఉల్లిపాయ లేని వంటగది ఉండదు.. ఉల్లి లేని కూర లేదు.. ఉల్లిపాయ కూర కు రుచిని అందించడం తో పాటు మన ఆరోగ్యానికి ఎంతో మేలు చేస్తుంది. ఉల్లిపాయ టీ గురించి విన్నారా..!? అదేంటి కూర, బిర్యానీ, రైతా, పెరుగన్నంలో కలిపి తింటాం కానీ.. ఇదేంటి కొత్తగా అనుకుంటున్నారా..!? ఉల్లిపాయ టీ జలుబు నుంచి క్యాన్సర్ వరకు పలు ఆరోగ్య సమస్యలకు చెక్ పెడుతుంది..!! మరి ఉల్లి టీ ఎలా తయారు చేసుకుని తాగాలో చూద్దాం..!!
Onion Tea: ఉల్లిపాయ టీ తయారు చేసుకునే విధానం..!!
ముందుగా ఒక గ్లాస్ నీటిని తీసుకొని బాగా మరిగించాలి. ఇందులో తరిగిన ఉల్లిపాయ ముక్కలను వేయాలి. అలగే రెండు మిరియాలు, ఒక యాలుక్కాయ, అర టీ స్పూన్ సోంపు గింజలు వీటిని కూడా వేసి 15 నిమిషాలు మరిగించాలి. వీటి రసం నీటిలోకి దిగాక వడపోసుకోవాలి. ఇందులో అర టీ స్పూన్ తేనె, నిమ్మరసం కలుపుకోవచ్చు. అంతే తాగడానికి ఉల్లిపాయ టీ రెడీ.. ఈ టీ కాస్త ఘాటుగా ఉంటుంది. పైన చెప్పుకున్న పదార్థాలు అన్ని వేసుకుంటే రుచికరంగా ఉంటుంది. ఈ టీ తాగితే ఆరోగ్యానికి చాలా మంచిది.
ఉల్లిపాయ లో విటమిన్ సి, ఫైటో కెమికల్స్ ఉంటాయి. ఇది రోగ నిరోధక శక్తిని పెంచుతుంది. ఈ టీ తాగితే జలుబు, దగ్గు, గొంతులో మంట నుంచి వెంటనే ఉపశమనం లభిస్తుంది. ఉల్లిపాయల లో క్వేర్సేటివ్ అనే సమ్మేళనం ఉంటుంది. ఇది క్యాన్సర్ కణాల ను అడ్డుకుంటుంది. ఈ టీ పొట్ట క్యాన్సర్, కోలోరెక్టరాల్ క్యాన్సర్ ను నివారించడానికి సహాయపడుతుందని శాస్త్రీయంగా నిరూపణ అయ్యింది. ఈ టీ తెల్ల రక్త కణాల సంఖ్య ను పెంపొందిస్తుంది.
వేగంగా బరువు తగ్గాలని ప్రయత్నం చేస్తున్నవారు ఈ టీ ను మీ డైట్ లో భాగంగా చేసుకోండి. ఈ టీ మిగతా టీ లతో పోలిస్తే త్వరగా పొట్టలోని చెడు కొలెస్ట్రాల్ ను తగ్గిస్తుంది. వరుసగా రెండు వారాలు ఈ టీ తాగితే మెరుగైన ఫలితాలు కనిపిస్తాయి. ఈ టీ జీర్ణ క్రియను మెరుగు పరుస్తుంది. పెద్ద పేగు, అన్నవహికలో ఉన్న వ్యర్ధాలను తొలగిస్తుంది. జీర్ణ వ్యవస్థ పనితీరు పెంచుతుంది.
