Dry Fruits: ప్రతిరోజు గుప్పెడు డ్రై ఫ్రూట్స్ తినమని ఆరోగ్యనిపుణులు పదేపదే చెబుతూ ఉంటారు.. డ్రై ఫ్రూట్స్ తో ఉండే ఆరోగ్య ప్రయోజనాలు అన్నీ ఇన్నీ కావు.. అయితే వాటిని నేరుగా తినడం కష్టమే.. అందుకే డ్రై ఫ్రూట్స్ తో టేస్టీ సలాడ్ చేసి పెడితే పిల్లలు, పెద్దలు ఇష్టంగా తింటారు.. నట్స్, డ్రై ఫ్రూట్స్ తో సలాడ్ ఎలా తయారు చేసుకోవాలో తెలుసుకుందాం..!
సలాడ్ కు కావలసిన పదార్థాలు:
బాదం -10, జీడిపప్పు -10, వాల్నట్స్ -10, పిస్తా పప్పు -10, ఖర్జూరం -10, ఎండు ద్రాక్ష -10, మయోనీస్ కెచప్ -2 చెంచాలు, టమోటో కెచప్ కొద్దిగా, పన్నీరు అర కప్పు, పాలకూర కొద్దిగా, టమాటో ముక్కలు అరకప్పు, నెయ్యి ఒక చెంచా.
ముందుగా జీడిపప్పు, బాదం, పిస్తా, వాల్ నట్స్ ను చిన్న చిన్న ముక్కలుగా కట్ చేసి వాటిని నేతిలో వేయించి పక్కన పెట్టుకోవాలి. ఒక గిన్నెలో మయోనీస్ వేసి అందులో సన్నగా తరిగిన పన్నీర్ ముక్కలను వేసి బాగా కలుపుకోవాలి. ఇందులో ముందుగా వేయించి పక్కన పెట్టుకున్న డ్రైఫ్రూట్స్, నట్స్ ను వేసి కలపాలి.. అంతే డ్రై ఫ్రూట్ సలాడ్ రెడీ.. ఈ సలాడ్ లో మీకు కావాలి అనుకుంటే సన్నగా తరిగిన టమోటా, పాలకూర, ఫ్రూట్స్ తో గార్నిష్ చేసుకోవచ్చు.. మయోనీస్ ను ఇష్ట పడిన వారు ఇందులో మయోనీస్ కెచప్ కి బదులుగా డేట్స్ గుజ్జు, తేనెను కలుపుకోవచ్చు.
బరువు పెరగాలి అనుకునేవారికి ఈ సలాడ్ బాగా ఉపయోగపడుతుంది. డ్రై ఫ్రూట్ సలాడ్ ద్వారా ప్రోటీన్స్ తోపాటు హై క్యాలరీస్ లభిస్తాయి. కానీ ఆరోగ్యానికి మాత్రం మేలు చేస్తాయి.. ఈ సలాడ్ ను అప్పుడప్పుడు తింటే ఎటువంటి అనారోగ్య సమస్యల బారిన పడకుండా చేస్తుంది. రోగ నిరోధక శక్తిని పెంచుతుంది.. మెదడు చురుకుగా పనిచేస్తుంది. జ్ఞాపశక్తిని పెంపొందిస్తుంది.. శరీరానికి కావలసిన తక్షణ శక్తిని అందిస్తుంది..