Seymiyaa: వేసవికాలం సెలవులు కావడంతో.. హడావుడిగా తిని పరిగెత్తే పిల్లలకు తినే వాటిని ఆస్వాదించే అవకాశం దక్కింది..! వాళ్ళ కోసం పూటకో కొత్త వెరైటీ చేసి పెట్టాలి అంటూ తల్లులు హైరానా పడుతున్నారు.. సాధారణంగా చేసే టిఫిన్ తిని తిని బోర్ కొడుతుంది పిల్లలకి.. ఇక పులిహార అంటే ఎంతా ఇష్టంగా చేసినా తినడానికి మక్కువ చూపించడం లేదు పిల్లలు.. కాస్త వెరైటీగా కాస్త డిఫరెంట్ గా సేమియా నిమ్మకాయ పులిహోర అయితే సూపర్.. ఐడియా బాగుంది కదా.. ఎలా తయారు చేసుకోవాలో ఇప్పుడు తెలుసుకుందాం పదండి..!
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
Seymiyaa: సేమియా నిమ్మకాయ పులిహోర తయారీకి కావలసిన పదార్థాలు..!
సేమ్యా ఒక కప్పు, పల్లీలు రెండు చెంచాలు, జీడిపప్పు రెండు చెంచాలు, నిమ్మకాయ ఒకటి, పసుపు చిటికెడు, పచ్చిమిర్చి రెండు, కరివేపాకు రెండు రెబ్బలు, ఎండుమిర్చి రెండు, తాలింపు దినుసులు ఒక చెంచా, నెయ్యి రెండు చెంచాలు, నీళ్లు రెండు గ్లాసులు.
ముందుగా స్టవ్ వెలిగించి ఒక పాత్ర పెట్టుకుని అందులో అర లీటర్ నీటిని పోసి బాగా మరిగించాలి. మీరు బాగా మరిగిన తరువాత అందులో కొద్దిగా పసుపు వేయాలి . ఇప్పుడు అర చెంచా ఉప్పు ఆ నీళ్లలో వేయాలి. ఆ నీటిలో సేమ్యా వేసి ఉడికించాలి. సేమ్యా బాగా ఉడికిన తరువాత ఆ నీటిని వంపేయాలి. సేమ్యా పొడిపొడిగా ఉండటానికి మరో ప్లేట్ లోకి పెట్టుకోవాలి..
పొయ్యి మీద మరో గిన్నె పెట్టుకుని తాళింపు సిద్ధం చేసుకోవాలి. ఒక గిన్నెలో రెండు చెంచాల నెయ్యి వేసి జీడిపప్పు వేరుశెనగపప్పు వేయించుకోవాలి. అందులోనే తాలింపు గింజలు వేసి వరుసగా ఎండుమిర్చి కరివేపాకు రెబ్బలు జీలకర్ర వేసి వేయించుకోవాలి. ఇప్పుడు స్టౌ ఆఫ్ చేసి పక్కన పెట్టుకోవాలి. ఇప్పుడు ముందుగా ఉడికించుకున్న సేమ్యాలో కొద్దిగా ఉప్పు వేసి అందులో తాలింపు పోసి బాగా కలుపుకోవాలి. చివరలో రసం వేసి బాగా కలపాలి. ఫైనల్ గా కొత్తిమీర చల్లుకుంటే టేస్టీ టేస్టీ సేమ్యా పులిహార తినడానికి రెడీ..