Cold: మనకు లభించే ఖనిజలలో జింక్ కూడా ఒకటి.. మన శరీరానికి అవసరమైన ఖనిజం ఇది.. ఇమ్మ్యూనిటి పవర్ ను పెంచడంతోపాటు, శరీర గాయాలను నయం చేయడం, కణాల విభజన, కణాల పెరుగుదల తోపాటు మన శరీరంలో 300కు పైగా ఎంజైమ్ల కార్యకలాపాలలో ముఖ్య పాత్ర పోషిస్తుంది.. జింక్ ను ఏవిధంగా తీసుకుంటే జలుబు తగ్గుతుందో.. ఈ రెండిటి మధ్య ఉన్న రిలేషన్ ఏంటో తెలుసుకుందాం..
వెస్ట్రన్ యూనివర్సిటీ పరిశోధకుల బృందం 5500 మంది పై 28 జింక్ ట్రయల్స్ నిర్వహించింది. జలుబు, దగ్గుతో బాధపడుతున్న వారికి నోటి ద్వారా లేదంటే నాసిక స్ప్రే ద్వారా జింక్ ఇవ్వవచ్చని పరిశోధనలు చెబుతున్నాయి. జింక్ సప్లిమెంట్ ఇచ్చిన వారిలో రెండు రోజుల్లోనే జలుబు, దగ్గు తగ్గింది. అదే జింక్ ఇవ్వని పేషెంట్ లో ఏడో రోజు వరకు లక్షణాలు కనిపించాయని తెలిపారు. అంతేకాకుండా జింక్ సప్లిమెంట్ ఇచ్చిన వారిలో ఎటువంటి దుష్ప్రభావాలు కనిపించలేదని పరిశోధకులు వివరించారు. జింక్ జలుబు, దగ్గు లక్షణాలను తగ్గిస్తుందని ఈ పరిశోధన ద్వారా నిరూపితమైంది. ఇది ముక్కు కారడం , తలనొప్పి, పెరిగిన శరీర ఉష్ణోగ్రతను కూడా తగ్గిస్తుంది. శ్వాసకోశ ఇన్ఫెక్షన్లను తగ్గిస్తుంది.
మనం ఆహారంలో జింక్ ను తీసుకుంటే జలుబును, దగ్గును తగ్గిస్తుంది. దాని లక్షణాలను నివారిస్తుంది. జింక్ సప్లిమెంట్లు తీసుకోవడం ద్వారా కేవలం రెండు రోజుల్లోనే జలుబు, దగ్గు తగ్గుతుందని కొత్త పరిశోధనలు చెబుతున్నాయి. కోడి గుడ్లు, పాలు, పాల ఉత్పత్తులు, మాంసం, గుడ్లు, రొయ్యలు, ఫిష్, డార్క్ చాక్లెట్, జీడిపప్పు, బఠానీలు , బీన్స్, పప్పుధాన్యాలు, గోధుమలు, ఓట్స్ లో జింక్ సమృద్ధిగా లభిస్తుంది. వీటిని డైట్ లో భాగం చేసుకోండి.