Pregnant: జీవశాస్త్రపరంగా చూస్తే స్త్రీలు పిల్లలను కనడానికి సరైన వయస్సు 25 – 30 సంవత్సరాల మధ్య వయస్సు గర్భధారణకు మంచిది అని అనేక పరిశోధనలు తెలియచేస్తున్నాయి . ఈ వయస్సు స్త్రీ అండాలు ఆరోగ్యంగా ఉంటాయి. ఈ వయసులో ఉన్న స్త్రీ శరీర వ్యవస్థలో మిగిలిన అంశాలు కూడా ఆరోగ్యంగా ,యవ్వనంగా ఉంటాయి. ఇలాంటి వయసులో మీ శరీరం గర్భం ధరించడానికి బిడ్డను కనడానికి చాలా తేలికగా ఉంటుంది. ఈ వయస్సులో ఉన్నప్పుడు డయాబెటిస్, రక్తపోటు వంటి సమస్యలు రావడం కూడా తక్కువ.
ఈ సమస్యలు లేకపోవడం వలన గర్భం ఆరోగ్యంగా సమస్యలు లేకుండా ఉంటుంది.
వయసు పెరిగేకొద్దీ, ముఖ్యంగా 35 సంవత్సరాల తర్వాత, స్త్రీల లో అండాల సంఖ్య లేదా నాణ్యత తగ్గడం అనేది మొదలవుతుంది. కాబట్టి ఈ వయస్సులో గర్భం ధరిస్తే గర్భధారణకు సంబంధించిన ఈ సమస్యలను ఎదుర్కోవలసి ఉంటుంది.
స్త్రీలు గర్భం ధరించడానికి సరైన సమయం గురించి మాత్రమే అందరూ తెలియజేస్తుంటారు. కానీ మగవారు తండ్రి కావడానికి సరైన సమయం గురించి ఎక్కడా పెద్దగా చర్చ కనబడదు.40 ఏళ్లు పైబడిన మగవారికి పుట్టబోయే పిల్లల లో కూడా చాలా సమస్యలు ఉండవచ్చు అని ఇటీవల నిర్వహించిన అనేక పరిశోధనలు తెలియచేస్తున్నాయి.మగవారు తండ్రి గా మారడానికి 22 – 25 ఏళ్లు సరైన వయస్సు అని నిపుణులు తెలియచేస్తున్నారు. అయితే మారిన కాలానుగుణంగా 28 నుంచి 30 సంవత్సరాల వరకు పర్వాలేదు అని తెలియ చేస్తున్నారు.కానీ 30 ఏళ్లు దాటితే మాత్రం పిల్లలు పుట్టడం లో ఇబ్బందులు కలగవచ్చు అని హెచ్చరిస్తున్నారు.30 ఏళ్ల తర్వాత శరీరంలో టెస్టోస్టిరాన్ హార్మోన్ స్థాయి తగ్గడం తో పాటు స్పెర్మ్ నాణ్యత కూడా తగ్గుతుంది.
రాను రాను పురుషత్వం యొక్క సామర్థ్యం కూడా నెమ్మదిస్తుంది. ఇది వారి భార్యల గర్భధారణ విషయంలో సమస్యలకు కారణం అవుతుంది.పిల్లలు పుట్టడానికి అవకాశాలు తక్కువగా ఉండటానికి జీవనశైలి కూడా ఇంకో కారణం అవుతుంది . మధ్య పానం,ధూమపానం ,జంక్ ఫుడ్, తీసుకోవడం వలన పోషకాల కొరతతో స్పెర్మ్ నాణ్యత కూడా తగ్గిపోతుంది అని పరిశోధకులు తెలియచేస్తున్నారు.కాబట్టి పిల్లలు కావాలి అని అనుకున్నప్పుడు కరెక్ట్ ఏజ్ లో నే నిర్ణయం తీసుకుంటే మంచిది.
