టీనేజర్లూ మొటిమ ల నివారణ కోసం ఏవేవో క్రీములు వాడుతుంటారు. కానీ మన ఇంట్లో ఉండే వస్తువులతోనే మొటిమ లను నివారించవచ్చు. ఆ చిట్కాలేంటో చూద్దాం. తులసి ఆకు, కొంచెం మెత్తగా నలిపి రసం తీసి రాత్రి పడుకోబోయే ముందు ముఖానికి రాసుకుని , ఉదయం గోరు వెచ్చని నీటితో ముఖం కడుక్కుంటే మొటిమలు పోతాయి.
టమోటాను చిన్న చిన్న ముక్కలుగా కట్ చేసుకుని, మెత్తని పేస్ట్లా తయారుచేసుకోవాలి. ఈ మిశ్రమం లో కొద్దిగా పెరుగు, కలబంద గుజ్జు కలిపి ముఖానికి రాసుకోని ,అరగంట పాటు అలానే ఉంచి ఆ తరువాత శుభ్రం చేసుకుంటే, ముఖం కాంతివంతంగా మారుతుంది. కనీసం వారానికి రెండు సార్లు అయినా, ఇలా చేస్తే ముఖం మీద మొటిమలు తొలగిపోతాయి. అలాగే కొంచెం వేపాకు మెత్తగా నూరి దానికి చందనం పొడి కలిపి, మొటిమ ల మీద పూసి గంట తర్వాత స్నానం చేస్తే , మొటిమలు తొలగిపోతాయి.
రోజు 2 నుంచి 3 లీటర్ల మోతాదు లో నీరు తాగాలి. ప్రతిరోజూ వ్యాయామము చేయాలి. రోజూ క్రమం తప్పకుండా వ్యాయామం చేస్తే, చర్మ సౌందర్యం మెరుగు పడడమే కాకుండా, మొటిమలు తగ్గేందుకూ దోహదం చేస్తుంది. తలలో చుండ్రు లేకుండా చూసుకోవాలి . దువ్వెన తలదువ్వుకునే ప్రతిసారి క్లీన్ చేసిన తర్వాత దువ్వుకోవాలి . ఇతరుల దువ్వెనతో ఎట్టి పరిస్థితిలో తలను దువ్వుకోకూడదు. మొటిమలు చిదపడము , గోకడము చేయరాదు. గట్టిగా తువ్వాలు తో ముఖము తుడవరాదు. తలగడా కి వేసే కవర్ తరుచుగా మారుస్తూ ఉండాలి లేదా పరిశుబ్రముగా ఉంచుకోవాలి .