ఎవ్వరికైనా సంతోషం కలగాలంటేఓ కానుక ఇవ్వాలి. ఖరీదైన బహుమతి ఇవ్వాలి.. లేదా వాళ్ళ అవసరాలు తీర్చాలి.ఇలా ఏం చేయాలి అన్న అది డబ్బుతో ముడిపడి ఉండే విషయమే.
ఆర్థికంగా ఖర్చు చేయాల్సిందే. ఆలాచేసినాకూడా వారికీ కావలిసినంత తృప్తి సంతోషం వచ్చిందా అంటే చెప్పలేము.ఇలాంటి పరిస్థితులలో పైసా ఖర్చు లేకుండా ఇతరులను సంతోష పెట్టే మార్గాలు కూడా చాలానే ఉన్నాయి.అవి ఏంటో చూద్దాము.అందులో మొదటిది ఓ చిరునవ్వు.. ఓ పలకరింపు ..ఓక మంచి మాట.. ఒక ఓదార్పు.. వీటిలో ఏఒక్కటికి పైసా ఖర్చుచేయవలిసిన అవసరం లేదు.
కష్టాల్లో ఉన్నవారికి ఇవి ఇచ్చే భరోసా ఎంత డబ్బుఇచ్చిన కూడా రాదు. అందుకే ఎవరినైనా చిరునవ్వుతో పలకరించి, ఆత్మీయంగా మాట్లాడండి .. అలాగని అవసరం లేకపోయినా తెచ్చిపెట్టుకునే చిరునవ్వులు , పలకరింపులు వద్దు. మనస్ఫూర్తిగా ప్రేమగా ఉండండి. ఎదుటి వారిని ప్రేమతో పలకరించండి.. బాధల్లో ఉన్నవారిని ఆత్మీయంగా దగ్గరకు తీసుకోండి.. ఏమీ కాదు.. అన్ని పరిస్థితులు సర్దుకుంటాయి అని ఊరడించండి.
ఎలాంటి పరిస్థితిలో అయినా అండగా నేను ఉంటాను అని భరోసా ఇవ్వండి .. ఇంతకు మించిన విలువయిన బహుమతి వారి కి ఆ సమయంలో వేరే ఏదీ ఉండదని గుర్తుపెట్టుకోండి . అవతార పురుషుడికైనా అమ్మలాలన, పాలన అవసరం. ఆ మాటకు వస్తే ఎంతటి సిరిసంపదలు ఉన్నా కష్టం లో అండగా ఉండే వారు చాల అవసరం . జీవితానికి సరిపడా సంపద ఉందన్న భరోసా, ధైర్యం మాత్రమే మనిషికి సరిపోదు. జీవితం లో మనం ఎదగాలని , శుభం జరగాలని మనస్ఫూర్తిగా కోరుకునేవారు, దీవించేవారు తోడుగా ఉండాలి. అందుకే మనకు సాధ్యం అయినంతలో ఎదుటివారు బాగుండాలని కురుకుంటూ ప్రేమగా దీవించేద్దాం .