పాత కాలం లో మనవాళ్ళు కొన్ని సందర్భలలో ,కూరలో కరివేపాకులా తీసేస్తున్నావ్ అనే మాట వాడేవారు . కానీ కూరలో కరివేపాకు తిసేయవద్దు దానితో ఎంతో మేలు అంటున్నారు నేటి తరం వారు.
కరేపాకు వలన ప్రయోజనాలు ఏంటో తెలుసుకుందాం . కరివేపాకు లో యాంటీ ఆక్సిడెంట్లు , వివిధ రకాల ఔషదా గుణాలు ఉన్నాయి . అందువల్ల కరివేపాకును కేవలం వంటల్లోనే కాకుండా వివిధ ఔషధల్లో ఉపయోగిస్తున్నారు . జుట్టు సమస్యలను నివారించటానికి కరివేపాకు ఉపయోగపడుతుంది . జీర్ణ శక్తి మెరుగు పరుస్తుంది . అజీర్తి , ఎక్ససివ్ యాసిడ్స్ ఉత్పత్తి ని నివారిస్తుంది . మన చర్మ సంరక్షణ లో కరివేపాకు ఎంతగానో ఉపయోగపడుతుంది . ఆకులు రసం లేదా పేస్ట్ కాలిన , తెగిన గాయాలు , చర్మం దురదలు తగ్గించడానికి ఉపయోగపడతాయి . బరువు తగ్గాలనుకున్నవాళ్ళు కరివేపాకుని ఎక్కువగా తీసుకోవటం వలన, శరీరం లో బ్యాడ్ కొలెస్ట్రాల్ ,ఫ్యాట్ ను కరిగిస్తుంది, దీనివలన బరువు తగ్గుతాము .ఇంక జుట్టు విషయం లో కూడా కరివేపాకు ఎంతగానో సహాయపడుతుంది . జుట్టు మూలలను బలంగా చేయటంతో పాటు జుట్టు పెరుగుదలకు , జుట్టు నల్లగా ఉండటానికి సహకరిస్తుంది . కంటి చూపుకు అవసరమైన విటమిన్ – A కరివేపాకులో ఉంది . పిల్లలలో ఆకలి మందగిస్తే అన్నం లో కాస్త కరివేపాకు పొడి ,నెయ్యి వేసి తినిపిస్తే ఆకలి పెరుగుతుంది . యూరిన్ సమస్యలు కూడా తగ్గుతాయి . కరివేపాకు తింటే శరీరం లో టాక్సిన్స్ తొలగిపోతాయి .
