Ajinomoto: అజినోమోటో.. అదేనండి టేస్టింగ్ సాల్ట్.. మోనో సోడియం గ్లుటామెట్ అనే అజినోమోటో ను ఆహార పదార్థాల రుచిని పెంచడానికి వంటలలో ఎక్కువగా వాడుతారు.. ముఖ్యంగా చైనీస్ వంటకాలు, రెస్టారెంట్స్, ఫాస్ట్ ఫుడ్ సెంటర్స్, బ్యాకరీస్, ప్రిపేర్డ్ సూప్స్, క్యాన్డ్ ఫుడ్స్, బీర్స్ లో ఈ సాల్ట్ ను విరివిగా వాడతారు.. ఈ టేస్టింగ్ సాల్ట్ ను ఎక్కువగా వాడితే కలిగే అనర్ధాలు ఏమిటో ఇప్పుడు చూద్దాం..!
టేస్టింగ్ సాల్ట్ వలన మనం తినే ఆహారాలు కు మంచి రుచి వస్తుందని ఎక్కువగా వాడుతున్నారు. దీనిని మితంగా తీసుకుంటే ఓకే గాని.. ఈ సాల్ట్ మన శరీరంలో ఎక్కువ మొత్తంలో చేరితే అనారోగ్య సమస్యలు తప్పవని అంటున్నారు ఆరోగ్య నిపుణులు.. ఈ సాల్ట్ ఉబకాయనికి దారి తీస్తుంది. మెటబాలిక్ సమస్యలు వచ్చేలా చేస్తుంది. అజినమోటో వలన హార్మోన్లలో అసమతుల్యత, వికారం, ఛాతిలో నొప్పి, నీరసం వంటి సమస్యలు వస్తున్నాయి..
అజినమోటో కలిగిన పదార్థాలను తినేవారికి నాలుకపై ఉండే రుచి గుళికలు మరింత ప్రభావితం అవుతాయి. అంటే ఆకలి ఎక్కువగా వేస్తుంది. దాంతో ఎక్కువగా తినాలి అని అనిపిస్తుంది. ఫలితంగా బరువు పెరుగుతారు. టేస్టింగ్ సాల్ట్ ఎక్కువగా తీసుకోవటం వలన డయాబెటిస్, అధిక రక్తపోటు, కండరాలు కుంచించుకుపోవడం , కాళ్లు చేతుల్లో తిమ్మిర్లు, సూదులు గుచ్చినట్లు అనిపించడం వంటి సమస్యలు వస్తాయి. అందువలన సాధ్యమైనంత వరకు అజీనామోటో ఉపయోగించకపోవడం మంచిది అంటున్నారు ఆరోగ్య నిపుణులు.
