Stress: ప్రస్తుతం చాలా మంది వివిధ రకాల సమస్యలు, ఆలోచనలతో నిత్యం అధిక ఒత్తిడిని ఎదుర్కొంటున్నారు. దీని వల్ల అనేక అనారోగ్య సమస్యలు వ‌స్తున్నాయి. ఒత్తిడి అధికంగా ఉండ‌డం వల్ల గుండె జబ్బులు వ‌స్తున్నాయి. ప్రధానంగా గుండె జబ్బులు రాకుండా చూసుకోవాలంటే ఒత్తిడి తగ్గించుకోవాలి. ఈ క్రింద తెలిపిన సూచ‌న‌లు పాటిస్తే ఒత్తిడి తగ్గడంతో పాటు మెదడు చురుగ్గా పని చేస్తుంది.
వ్యాయామం
నిత్యం వ్యాయామం చేస్తే మెదడు చురుగ్గా పని చేస్తుంది. నాడీ మండ‌ల వ్య‌వ‌స్థ మెరుగు ప‌డి మెద‌డును ఆరోగ్యంగా ఉంచుతుంది. మ‌నం వ్యాయామం చేసిన‌ప్పుడు మెద‌డులోని క‌ణాలు ప్రోటీన్ల‌ను ఉత్ప‌త్తి చేస్తాయి. దీనిని న్యూరోట్రోపిక్ ఫ్యాక్ట‌ర్ అంటారు. ఈ ప్రోటీన్లు ఇత‌ర ర‌సాయ‌నాల‌తో క‌లిసి శ‌రీరాన్ని ఆరోగ్యంగా ఉంచుతుంది.
తగినంత నిద్ర
నిద్ర మ‌న శ‌రీరానికి మాత్ర‌మే కాదు, మ‌న మెద‌డుకి కూడా తగినంత అవ‌స‌రం. తగినంత నిద్ర పోతే మాన‌సిక ప్ర‌శాంత‌తో పాటు మెద‌డుకి సంబంధించిన వ్యాధులు కూడా రావు. తగినంత నిద్ర పోవడం వల్ల జ్ఞాప‌కశ‌క్తితో పాటు ఆలోచ‌న శ‌క్తి మెరుగు ప‌డుతుంది. ప్రతి వ్యక్తికి రోజుకి 6 లేదా 8 గంట‌లు నిద్ర పోవాలి.
కొబ్బరినూనూనె
కొబ్బరి నూనెను ఆహారంలో భాగంగా తీసుకోవ‌డం వల్ల మెదడు పని తీరు మెరుగుప‌డుతుంది. కొబ్బరి నూనె నాడీ క‌ణాల‌ను ర‌క్షిస్తుంది. కొత్త నాడీ క‌ణాల‌ను ఉత్ప‌త్తి చేస్తుంది. దీంతో మెదడు ఆరోగ్యంగా ఉంటుంది.
విటమిన్ డీ
మ‌న శ‌రీరానికి విటమిన్ డి చాలా అవ‌స‌రం. మెద‌డులోని న‌రాల ఆరోగ్యానికి విటమిన్ డి దోహదపడుతుంది. మ‌న శ‌రీరానికి తగినంత విటమిన్ డి సూర్య‌ర‌శ్మి ద్వారా వస్తుంది. లేదా విటమిన్ డి గ‌ల ఆహార ప‌దార్థాల ద్వారా తీసుకోవచ్చు.
ఒమెగా 3 ఫ్యాటీ యాసిడ్లు
ఒమెగా 3 ఫ్యాటీ యాసిడ్లు ఉన్న ఆహార ప‌దార్థాల‌ను తీసుకోవ‌డం వల్ల మ‌న శ‌రీరంలో డీఎన్ఏ శాతం పెరుగుతుంది. లివ‌ర్, చేప‌ల వంటి ఆహార ప‌దార్థాల‌లో ఒమెగా 3 ఫ్యాటీ యాసిడ్లు అధికంగా ఉంటాయి. ఈ ఆహార ప‌దార్థాల‌ను తీసుకోవ‌డం వల్ల మ‌న మెదడు ఎంతో చురుగ్గా పని చేస్తుంది.
