Brain Stroke: ఈ రోజుల్లో ఎక్కువమంది బ్రెయిన్ స్ట్రోక్ కారణంగా మరణిస్తున్నారు. మెదడులోని ఒక భాగానికి రక్తసరఫరా నిరోధించినప్పుడు.. లేదంటే మెదడులోని రక్తనాళం పగిలిపోయినప్పుడు స్ట్రోక్ సంభవిస్తుంది. ఎటువంటి హెచ్చరిక లేకుండా సాధారణంగా ఈ స్ట్రోక్ వస్తుంది. అయితే కొన్ని అంచనాలు రాబోయే ప్రమాదానికి సంకేతాలు. ఈ లక్షణాలను బ్రెయిన్ స్ట్రోక్ గంటల ముందు లేదా రోజుల ముందు కనిపిస్తాయి. అవేంటో తెలుసుకుంటే ముందుగానే ఈ సమస్యకు చెక్ పెట్టవచ్చు…
43 శాతం మంది రోగులు బ్రెయిన్ స్ట్రోక్ రావడానికి ముందు ఒక వారం రోజుల ముందు చిన్న స్ట్రోక్ లక్షణాలను అనుభవిస్తారు. ఈ స్ట్రోక్ అనేది ఒక భాగానికి రక్త సరఫరా లో అంతరాయం కారణంగా సంభవించేది ఇస్కీమిక్ అటాక్. అలాగే ఈ స్ట్రోక్ వచ్చే ముందు సరిగ్గా ఆలోచించ లేకపోవడం, మాట్లాడలేకపోవటం వంటివి జరుగుతాయని నిపుణులు చెబుతున్నారు .. ఈ సర్వేలో 2475 మందిని పరీక్షించిన తరువాత వారంలోపు స్ట్రోక్ వచ్చిందని తెలుసుకున్నారు..
ఈ స్ట్రోక్ ని ఎలా నియంత్రించవచ్చు అంటే క్రమం తప్పకుండా వ్యాయమం చేయటం , పండ్లు, కూరగాయలు, ధాన్యాలు తీసుకోవాలి. కొవ్వు తక్కువగా ఉండే ఆహారాన్ని.. ఫైబర్ ఎక్కువగా ఉండే ఆహారాన్ని తీసుకోవాలి. ఉప్పు తీసుకోవడం చాలా వరకు తగ్గించాలి. రోజుకి 6 గ్రాముల కంటే ఎక్కువ ఉప్పు తీసుకోకూడదు. అధిక ఉప్పు తీసుకోవడం వల్ల అధిక రక్తపోటుకు కారణం అవుతుంది. ఇది స్ట్రోక్ ప్రమాదాన్ని పెంచుతుంది. ధూమపానం మధ్యపానం అలవాట్లను మానుకోవాలి.