Tongue: నాలుకపై ఎల్లప్పుడూ:
శరీరానికి అనారోగ్యం అనేది సహజంగా వచ్చేదే.. కొందరికి తరచూ వస్తుంటే ఇంకొందరికి ఎప్పుడో కానీ తేడా చేయదు. ఆరోగ్యం లో ఏదైనా తేడా రాగానే ఆ సంకేతాలు మన కళ్ళు ,నాలుక లో ఎక్కువగా తెలుస్తుంటాయి. ఎదో అనారోగ్య సమస్య ఉందని తెలియచేసేందుకు మన నాలుక ఒక్కొక్కసారి ఒక్కోలా ఉంటుంది. ఈ విధానంలో కొందరి నాలుకపై ఎల్లప్పుడూ తెల్లగా ఉన్నట్టు కనిపిస్తుంటుంది. అసలు అలా అవడానికి కారణం ఏమిటి?ఎలాంటి అనారోగ్య సమస్యలు ఉన్నవారికి నాలుక అలా తెల్లగా మారుతుంది? ఆ వివరాలు తెలుసుకుందాం.
Tongue: యథాతథ స్థితికి:
నాలుక అలా తెల్లగా కనిపిస్తుంది అంటే,ఆయుర్వేద ప్రకారం ,అది కఫం కానీ ఆమం కానీ అయి ఉంటుందని వైద్యులు తెలియచేస్తున్నారు. తిన్న ఆహారం సరిగా జీర్ణం కాకపోవడం వలన చిన్నపేగులలో విష పదార్థాలు గా మారుతుంది. ఆ సమస్య ఉంది అని తెలియజేయడానికి సూచనగా నాలుకపై అంతా తెల్లగా మారుతుంది. కాబట్టి తిన్న ఆహారం బాగా జీర్ణమయ్యేలా జాగ్రత్త పడితే ఈ సమస్యలు తగ్గి నాలుక యథాతథ స్థితికి మారుతుంది. అదే విధంగా ఆహారం లో కారం, మసాలాలు ఎక్కువగా తినే వారికి కూడా నాలుక ఇలాగే తెల్లగా కనిపిస్తుంటుంది. అలా కనిపిస్తుంటే మాత్రం ఆ ఆహారాలను తినకూడదు. అదే విధానం లో పొగతాడం, మద్యం సేవించడం, దంత సమస్యలు ఉన్నవారి లో కూడా నాలుక తెల్లగా కనిపిస్తుంటుంది. కాబట్టి ఆ సమస్యలను పరిష్కరించుకోవడం వలన నాలుక మామూలు స్థితిలోకి వస్తుంది.
చక్కని పోషకాహారం:
రోగ నిరోధక శక్తి తక్కువగా ఉన్నవారు,యాంటీ బయోటిక్స్ను ఎక్కువగా వాడే వారు, షుగర్ ఉన్నవారు, విటమిన్ బి, తో పాటు ఐరన్ లోపం కూడా ఉన్నవారి నాలుక తెల్లగా ఉంటుంది. చక్కని పోషకాహారం తీసుకుంటే ఈ సమస్యను తగ్గించుకోవచ్చు. సిఫిలిస్, ఓరల్ క్యాన్సర్ ఉన్నవారిలో కూడా నాలుక తెల్లగా ఉంటుంది. కాబట్టి వేరు సరైన ట్రీట్ మెంట్ తీసుకుంటే నాలుక మళ్ళి మాములుగా మారుతుంది.