Egg Manchuria: మంచూరియా అంటే పిల్లల నుంచి పెద్దల వరకు అందరూ ఇష్టపడతారు.. ఈవినింగ్ స్నాక్స్ లో పిల్లలు ఈ ఐటమ్ కావాలని గొడవ చేస్తుంటారు.. బయట దొరికే మంచూరియా ఇంట్లో చేసుకోవడం సులువే.. ఎప్పుడు ఒకేలాగా కాకుండా కాస్త డిఫరెంట్ గా టేస్టీ గా ఇంట్లోనే ఎగ్ బ్రెడ్ మంచూరియా చేసి పిల్లలకు తినిపించండి.. ఒక్కసారి ఇలా చేసి పెట్టారంటే ప్లేట్లో ఒక్క ముక్క కూడా మిగల్చరు..! ఈ రెసిపీ తయారీ విధానం గురించి తెలుసుకుందాం..!
ఎగ్ బ్రెడ్ మంచరియా తయారీ..!
కావలసిన పదార్థాలు..
కోడిగుడ్లు 6, బ్రెడ్ పౌడర్ అరకప్పు, అల్లం వెల్లుల్లి పేస్ట్ ఒక చెంచా, నూనె వేయించడానికి సరిపడా, ఉల్లికాడలు ఒక చెంచా, జీలకర్ర పొడి ఒక చెంచా, టమోటా సాస్, సోయా సాస్ ఒక చెంచా, .
ముందుగా నాలుగు కోడిగుడ్లను ఉడకపెట్టుకొని ఒక్కొక్క కోడిగుడ్డును నాలుగు ముక్కలుగా కట్ చేసుకోవాలి.. మిగిలిన రెండు కోడిగుడ్లను ఒక బౌల్లో వేసి బాగా గిలకొట్టాలి అందులో బ్రెడ్ పౌడర్ వేసి కలపాలి ఈ మిశ్రమంలో ముందుగా కట్ చేసి పెట్టుకొన్న కోడిగుడ్లు ముక్కలను ముంచి కాగుతున్న నూనెలో వేసి ఎర్రగా వేయించుకోవాలి.
ఇప్పుడు స్టవ్ వెలిగించి బాండి పెట్టుకుని నూనె వేసి వేడయ్యాక సన్నగా తరిగిన ఉల్లిపాయ , పచ్చిమిరపకాయ ముక్కలు వేసి అందులో అల్లం వెల్లుల్లి పేస్ట్ వేసి బాగా వేయించాలి. ఇందులో టమోటా సాస్, ఉప్పు, పసుపు, కారం , గరం మసాలా అన్నింటిని వేసి బాగా కలపాలి. చివరిగా సోయాసాస్ వేసి అరకప్పు నీళ్లు పోసి చిక్కగా సాసీగా వచ్చేలాగా ఉంచాలి. చివరగా ఇందులో ముందుగా వేయించి పెట్టుకున్న ఎగ్ మంచూరియాను ఇందులో వేసి రెండు నిమిషాల పాటు ఎగ్ పీసెస్ కు ఈ మిశ్రమం పట్టేలాగా కలుపుకోవాలి. అంతే ఎంతో టేస్టీగా ఉండే ఎగ్ బ్రెడ్ మంచూరియా తినటానికి రెడీ..