Tomato Pulao: వంటలలో టమాటా ను ఎక్కువగా ఉపయోగిస్తూ ఉంటాం.. టమోటా మన ఆరోగ్యానికి కూడా మంచిదే.. సింపుల్ గా ఫాస్ట్ గా అయ్యే రెసిపీస్ లో టమాటా పులావ్ కూడా ఒకటి. దీని రుచి అద్భుతంగా ఉంటుంది. పిల్లలకు పెద్దలకు ఇది బెస్ట్ ఫుడ్ గా చెప్పుకోవచ్చు.. ఇది తయారు చేసుకోవడం సులువు.. అన్నీ సిద్ధం చేసుకుని పెట్టుకుంటే క్షణాల్లో టమాటా పులావ్ చేసుకోవచ్చు.. ఇంతకీ ఎలా తయారు చేసుకోవాలో ఇప్పుడు చూద్దాం..
టమాటా పులావ్ కావలసిన పదార్థాలు..
బియ్యం రెండు కప్పులు, టమాటా ముక్కలు ఒక కప్పు, సన్నగా తరిగిన ఉల్లిపాయ ఒకటి, సన్నగా తరిగిన అల్లం ఒక చెంచా, వెల్లుల్లి తరుగు ఒక చెంచా, పచ్చిమిర్చి రెండు, గరం మసాలా ఒక చెంచా, జీడిపప్పులు 10, కరివేపాకు గుప్పెడు, నూనె నాలుగు స్పూన్స్, కొత్తిమీర కొద్దిగా, ఉప్పు రుచికి సరిపడా, పసుపు అర చెంచా, కారం ఒక చెంచా, నెయ్యి 4 స్పూన్స్.
ముందుగా బియ్యం కడిగి అన్నం పొడిపొడిగా వచ్చేలాగా వండి పక్కన పెట్టుకోవాలి.. అన్నం వండేటప్పుడు బియ్యం లో ఒక చెంచా నూనె వేస్తే అన్నం పొడిపొడిగా వస్తుంది..
ముందుగా స్టవ్ వెలిగించి బాండీ పెట్టి నూనె వేయాలి నూనె వేడెక్కాక కరివేపాకు ఉల్లిపాయ తరుగు, పచ్చిమిర్చి, అల్లం తరుగు, వెల్లుల్లి ముక్కలు వేసి వేయించుకోవాలి.. ఇది కాస్త వేగిన తర్వాత టమోటా ముక్కలు వేసి కలపాలి. ఇప్పుడు సిమ్ లో పెట్టుకొని ఐదు నిమిషాల పాటు అలాగే ఉంచితే టమోటాలు బాగా మగ్గుతాయి. ఇప్పుడు పసుపు, ఉప్పు, కారం వేసి కలపాలి. చివరిగా గరం మసాలా కూడా వేయాలి. నెయ్యి కూడా వేస్తే మంచి టేస్ట్ వస్తుంది. వేయించిన జీడిపప్పు, కొత్తిమీర వేసి కలుపుకొని స్టవ్ ఆఫ్ చేయాలి. ఇప్పుడు ముందుగా ఉడికించి పెట్టుకున్న దాన్ని వేసి కలపాలి. అంతే టేస్టీ టమాటా పులావ్ రెడీ. టమాటా పులావ్ ను పెరుగు రైతాతో తీసుకుంటే ఇంకా బాగుంటుంది..
