Child Care : పాలంటే ప్యాకెట్ పాలు:
ఇప్పటి పిల్లలకు మార్కులు, ర్యాంకులు ఫోన్ ,టీవీ లు తప్ప ఇంకేమి తెలియదు. పెద్దలు కూడా తెలియచేయడానికి ప్రయత్నించడం లేదు అనడం లో ఎలాంటి సందేహం లేదు. పాలంటే ప్యాకెట్ పాలు అనే తప్ప అవి ఆవు, గేదె నుంచి వస్తాయన్న విషయం చాలామందికి తెలియదు అనే విషయం ఆశ్చర్యాన్ని కలిగించిన అది మాత్రం నిజం. టెన్త్ చదువుతున్నవారికి కూడా కందిపప్పు ,శెనగ పప్పుకు తేడా కూడా తెలియదు.
Child Care : ఆహార పదార్థాలపై:
కాబట్టి వారికి తాగే పాల దగ్గర మొదలుకుని బియ్యం, వండే కూరగాయలు,పప్పులు ఇలా ప్రతీ దాన్ని పరిచయం చేయాలి. అప్పుడప్పుడూ గ్రామాలకు తీసుకువెళ్లి వారు ప్రకృతికి దగ్గరగా ఉండేలా చూడాలి. పిల్లలకు పశువులకొట్టం, పాలు తీసయ్యడం, వాటిని కేంద్రాలకు పంపడం,పొలాలు, ధాన్యం ఆడే మిల్లులు, నూనె గానుగ, ఇలా ప్రతి దాన్ని దగ్గర నుంచి చూపించడం వల్ల వారికి ఆహార పదార్థాలపై ఇష్టం పెరగడం తో పాటు దాని వెనుకున్న శ్రమ అర్ధమై వాటిని జాగ్రత్తగా వృథ కాకుండా వాడుకుంటారు. సెలవుల్లో పిల్లలను అమ్మమ్మ, తాతయ్యల ఇంటికి తీసుకువెళ్తే పెద్దవారికి, పిల్లలకు మధ్య ఆత్మీయత పెరుగుతుంది. పెద్దలు చెప్పే కథలు, గోరుముద్దల కు పిల్లలు బాగా ఆకర్షితులవుతారు. తాతయ్య, నానమ్మలు లేదా పెద్దవారు కనిపించగానే వారికి ఎలా నమస్కరించాలి, వారితో ఎలా మర్యాదగా నడుచుకోవాలి.
సరదాగా ఉత్తరాలు:
ఇలాంటివన్నీ మనం నేర్పితేనే పిల్లలకు అలవాటు అవుతుంది. మనం పెద్దల విషయంలో కఠినం గా ఉంటూ పిల్లల ముందు పెద్దవారిని చులకన చేస్తే వారికీ ఆ అలవాట్లేవస్తాయి అని మరువకండి. రేపు మన పరిస్థితి కూడా ఇంతకంటే దారుణం గా ఉంటుంది అన్న విషయాన్ని ప్రతి ఒక్కరూ గుర్తుంచుకోవాలి. మనం అప్పుడప్పుడూ పిల్లలకు సరదాగా ఉత్తరాలు రాసి సర్ప్రైజ్ చేస్తే.. వారికీ ఉత్తరాలు రాసే అలవాటు వస్తుంది. దీని వలన వారికి మాతృభాష కూడా అభివృద్ధి చెందుతుంది అని గుర్తుపెట్టుకోండి.