Pregnant: ఆడవారు ప్రెగ్నెంట్ అని తెలిసిన నాటి నుండి చాలా జాగ్రత్తగా ఉండాలి. వారికి ఉన్న ఎన్నో అలవాట్లను కూడా వదులుకోవాల్సి వస్తుంది. డ్రింకింగ్,స్మోకింగ్ వంటి అలవాట్లకు దూరంగా ఉండటం తో పాటు పొగాకు ఉత్పత్తులు తీసుకోకూడదని వైద్యులు సూచిస్తున్నారు. ఇంకా వాళ్ళకి హాని కలిగించే కొన్ని రకాల వాసనలు కూడా వాళ్ళు పీల్చకుండా ఉండటం మంచిది.
గర్భిణీలు కొన్ని వాసనలు పీలిస్తే బిడ్డకు పుట్టుకతో నే కొన్ని లోపాలు కలిగి పుట్టడం తో పాటు, అకాల పుట్టుక ప్రమాదం కూడా ఉందని నిపుణులు తెలియచేస్తున్నారు. ద్రావకాలు లేదా స్ప్రేలు గా ఉన్న ఉత్పత్తులను ఉపయోగించకండి. ప్రెగ్నెంట్ గా ఉన్నవారు ఉండే గది లో కి గాలి,వెలుతురూ బాగా వచ్చే విధం గా ఉండేలా చూడాలి . వాల్ పెయింట్ కి దూరం గా ఉండాలి. లేదంటే దానిలో వాడే కొన్ని రసాయనాల వలన ఇబ్బంది కలగవచ్చు.కీటకాల నుంచి రక్షణ కోసం ఇళ్ళల్లో ఎక్కువగా నాఫ్తలీన్ బాల్స్ వాడుతుంటాము. మనం వాడే మాత్ బాల్స్, నాఫ్థలిన్ లు విష రసాయనాలు తో తయారు చేయబడతాయి. వీటి వల్ల అనేక చెడు ప్రభావాలు కలుగుతాయి. వీటి వల్ల గర్భస్థ శిశువుకు తీవ్రమైన ఆరోగ్య సమస్యలు వస్తాయి. అవి సరైన పద్ధతిలో నిల్వ చేయకపోతే, తీవ్రమైన అనారోగ్య సమస్యలు వస్తాయి.
దోమలను తరిమి కొట్టే స్ప్రే లకు కూడా దూరంగా ఉండాలి. అవి శిశువుకు హాని చేసే అవకాశాలు ఎక్కువగా ఉన్నాయి. ఈ స్ప్రే దోమల నుంచి కాపాడతాయి కానీ, వాటిలో ఉండే ఇతర రసాయనాలు మీకు చాలా హాని కలిగిస్తాయి. ఇవి చర్మం ద్వారా లోపలి వెళ్ళే అవకాశం ఉంటుంది. అందుకే వాటికి దూరంగా ఉండటం మంచిది
