స్త్రీ పురుషుల మధ్య శారీరక ఆకర్షణ కలగడం ప్రకృతి సహజం. రెండు వేరు రూపాలుండటమేఈ ఆకర్షణకు మూలం . శారీరకంగా, నా భాగస్వామి నాకంటే పూర్తిగా భిన్నం గా ఉండాలి. కానీ , మానసికంగా నేను ఎలా అనుకున్నానో అలాగే కొంచెం కూడా తేడాలేకుండా ఉండాలి అన్న కోరిక హద్దులు లేనిది. వివాహానికి ముందు ఉన్న ప్రేమ తర్వాత ఉండడం లేదు..
వివాహానికి ముందు మీరిద్దరూ కలుసుకోవడానికి వెళ్లేటప్పుడు అందమైన డ్రెస్సు లు వేసుకుని , తియ్య తియ్యగా మాట్లాడుకునే వారు. హోటల్కి వెళ్ళినప్పుడు , థియేటర్ లో నో గడిపిన కొన్ని గంటలు, తమతమ లోపాలను మర్చిపోయి, మిమ్మల్ని మీరు గొప్పగా చూపించుకొనుంటారు. లోపాలు కనిపించిన వాటిని కప్పి పుచ్చి ఒకర్ని ఒకరు పేమించుకుంటారు ఇదో రకంగా నిజం.. కాని కలిసి కాపురం చేస్తున్నపుడు నిద్దురలో గురకపెట్టటడమో,పళ్లు తోముకునే విధానమో ,ఇల్లు సర్దుకోవడమో ,వండి వడ్డించే తీరో, ఏదో ఒకటి మీకు నచ్చక పోవచ్చు.
ఇది రెండోరకమైన నిజమని గుర్తించండి. లోకమంతా నశించిపోయినా కూడా తరిగిపోనిది మన ప్రేమ మాత్రమే అని చెప్పుకున్నవాళ్లు కూడా, కొంతకాలం తర్వాత ప్రేమ .. అలాంటిది ఒకటి ఉంటుందా అనేట్టు బతుకుతున్నారు.. ఇది ప్రేమ తప్పు ఏమాత్రం కాదు. రెండువేరు వేరు నిజాల్ని స్వీకరించడానికి తయారుగా లేని పరిస్థితి మీది.పెళ్ళికి ముందు నచ్చింది , తర్వాత నచ్చనిది ఒకే స్త్రీ అలా ఎందుకు జరుగుతుంది? అస్సలు మీకు గొడవఎందుకు వస్తున్నాయో తెలుసా ..?
ఒక స్త్రీ ప్రియురాలి గా ఉన్నప్పుడు లోపాలను మన్నించి ఆమెను ఎలా చూసుకున్నామో, అలాగే భార్యగా ఉన్నప్పుడు కూడా చూసుకోవాలని అప్పటి ప్రేమ మూర్తే ఇప్పటి మీ ఇంటి ఇల్లాలు అని మర్చిపోతున్నారు. ప్రేమ పంచలేక పోతున్నారు.ఒక్కటి ఆలోచించండి మంచి లక్షణాల ను ఆహ్వానిస్తున్నపుడు.. మీకు నచ్చని అంశాలని ఎందుకు క్షమించ లేకపోతున్నారు ?పెళ్లి అయ్యాక పెరిగే భాద్యతల తో పాటు ప్రేమని పెంచండి మీ జీవితం ఆనందమయం అవుతుంది.