injuries: ఉలవలను ఆహారం గా చేసుకోవడం వలన కలిగే ఆరోగ్య ప్రయోజనాలెన్నో తెలుసుకుంటే కచ్చితంగా వీటిని ఆహారంలో తీసుకోకుండా ఉండలేరు.. ఉలవ లలో క్యాల్షియం ఎక్కువగా ఉంటుంది.. ఇది ఎముకలు, దంతాల కు బలాన్ని ఇస్తాయి.. స్త్రీలకు ఉలవలు గొప్ప మెడిసిన్ లాగా పనిచేస్తాయి.చాలా మంది స్త్రీ లకునెలసరి సమయంలో నొప్పులు ఎక్కువగా వస్తుంటాయి. అలాంటప్పుడు ఉలవలను బాగా వేయించుకుని పొడి చేసి అందులో కొద్దిగా నీళ్లు ఉప్పు కలిపి తాగడం వలన ఆ నొప్పుల నుండి వెంటనే ఉపశమనం పొందుతారు..దాంతో కండరాలు పటిష్టంగా ఉంటాయి.
లివర్ లో ఉండే విషపదార్థాలను బయటకు పంపడానికి సహాయపడతాయి.. ప్రతి రోజు ఉలవలను గంజి ,గుగ్గిళ్ళ రూపంలో తీసుకుంటే షుగర్ కంట్రోల్ లో ఉంటుంది.. ఉలవలు వలన అధిక బరువు కూడా తగ్గుతారు. చాలామంది జీర్ణ సమస్య లతో ఇబ్బంది పడుతూ ఉంటారు.. అలాంటప్పుడు అన్నంలో ఉలవల పొడి కలుపుకుని తింటే అల్సర్, గ్యాస్, అసిడిటీ వంటి సమస్యలు తగ్గుతాయి. ఉలవలు వేయించి ఒక గుడ్డలో మూట కట్టి కముకు దెబ్బలు తగిలిన చోట, ఇతర దెబ్బల వల్ల కలిగే నొప్పులు దగ్గర కాపడం పెడితే ఆ నొప్పులు నిమిషాల్లో తగ్గిపోతాయి.రక్తహీనతతో బాధపడేవారు క్రమం తప్పకుండా ఉలవలను కషాయంగా కానీ, చారు రూపంలో గాని తీసుకుంటే శరీరంలో కొత్త రక్తం పడుతుంది.ఎదిగే క్రమం లో పిల్లలకు వారి శరీర నిర్మాణం సక్రమంగా జరగడానికి ఉలవలు బాగా పనిచేస్తాయి.మలబద్దకం పోగొట్టుకోవడానికి ఉలవలను కషాయం రూపంలో చేసుకుని తీసుకుంటే సమస్య తీరుతుంది.
ఉలవలను క్రమం తప్పకుండ తింటుంటే శరీరంలో ఉన్న కొవ్వు కరిగి బరువు కూడాబాగా తగ్గుతారు. ఒక కప్పు ఉలవలకు నాలుగుకప్పులు నీళ్లు కలిపి కుక్కర్లో ఉడికించుకుని తయారుచేసుకున్న ఉలవకట్టును ప్రతిరోజూ ఉదయం ఖాళీ కడుపుతో చిటికెడు ఉప్పు కలుపుకుని తాగితే సన్నబడతారు.
ఉలవలు ఆహారంగా తీసుకునే సమయంలో శరీరంలో మంటగా అనిపిస్తుంటే మజ్జిగ తాగితే సమస్య తగ్గుతుంది.