Pimples: ముఖం అందంగా కనిపించాలని ప్రతి ఒక్కరు కోరుకుంటారు.. కానీ మనం తీసుకునే ఆహారం కారణంగా యువతలో ఎక్కువగా మొటిమల సమస్య వేధిస్తూ ఉంటుంది.. ఈ మొటిమలు ఎన్నో రకాల కారణాలు వల్ల వస్తూ ఉంటాయి. ఆయిల్ ఫుడ్ తినే వారిలో ఈ సమస్య ఎక్కువగా ఉంటుందని వైద్య నిపుణులు చెబుతున్నారు.. మొటిమలు రాకుండా ఉండాలంటే ఆయిల్ ఫుడ్ తగ్గించడంతోపాటు నీళ్లు కూడా ఎక్కువగా తీసుకోవాలి.. వీటితోపాటు మొటిమలు తగ్గాలంటే ఎలాంటి ఆహారాలు మీ డైట్ లో ఉండకూడదో ఇప్పుడు చూద్దాం..!
గ్లైసమిక్ ఇండెక్స్ ఎక్కువగా ఉన్న ఆహారాలు తింటే మొటిమలు విపరీతంగా వస్తాయి. మైదా పిండితో చేసిన పాస్తా , పంచదారతో తయారు చేసిన ఆహార పదార్థాలు, సోడా బంగాళదుంపలు, వైట్ బ్రెడ్ వంటి వాటిలో గ్లైసిమిక్ ఇండెక్స్ ఎక్కువగా ఉంటుంది.. కాబట్టి సాధ్యం అన్నంత వరకు వీటిని దూరంగా ఉంచండి.. అలాగే పాలు, ఐస్ క్రీమ్స్, పాల ఉత్పత్తులు ఇవన్నీ మన హార్మోన్స్ పై ప్రభావం చూపిస్తుంది. సో మిల్క్ ప్రొడక్ట్స్ కూడా కాస్త దూరంగా ఉంటే మంచిది. కెఫిన్ తీసుకోవడం వల్ల శరీరంలో కారిస్టాల్ పెరుగుతుంది. ఇది ఒత్తిడిని పెంచే హార్మోన్ అందువలన వీటికి కూడా దూరంగా ఉండండి.
నూనెలో వేయించిన ఆహారాల వల్ల చర్మాన్ని ఎక్కువగా ఇబ్బంది పడతాయి. వీటిలో ఆయిల్ కంటెంట్ ఎక్కువ మొత్తంలో ఉండటం వల్ల మొటిమలు పెరిగే ప్రమాదం ఉంటుంది శరీరంలో కొవ్వును క్యాలరీలను పెంచుతుంది. అందుకే నూనెలో వేయించిన ఆహార పదార్థాలను తీసుకోవద్దని నిపుణులు పదే పదే చెబుతూ ఉంటారు. మొటిమలను తగ్గించుకోవాలంటే స్వీట్స్ కూడా దూరంగా ఉండాలి..