Weight Gain: నేడు మనం ఎదుర్కొంటున్న అనారోగ్య సమస్యలకు మూలం అధిక బరువు.. నేటి ఆధునిక జీవన విధానం, ఆహారపు అలవాట్లు, సరైన సమయానికి భోజనం చేయకపోవడం, వ్యాయామం చేయకపోవడం వంటి పలు కారణాలు ఉన్నాయి.. ముఖ్యంగా బరువు పెరగడానికి మనం చేసే ఈ నాలుగు అతి పెద్ద తప్పులు చేయకుండా ఉంటే బరువు పెరగకుండా ఉండొచ్చు.. ఆ పొరపాట్లు ఏంటంటే..
అధిక బరువుకి దారితీసే వాటిలో ప్రధానమైనది నిద్ర. మనం సరిగ్గా నిద్రపోకపోతే ఆ ప్రభావం మన ఆకలి మీద చూపిస్తుంది. సరైన టైంకి నిద్రపోకుండా రాత్రి మేలుకువతో ఉండేవారు అధికంగా బరువు పెరుగుతున్నారని అధ్యయనలలో తేలింది. ముఖ్యంగా రాత్రి మెలుకువతో ఉన్నప్పుడు ఆహారం తీసుకోకూడదు. ఇది బరువు పెరిగేలా చేస్తుంది. తర్వాత బరువు పెరగడానికి బయట దొరికే చిరుతిళ్లు తినడం ఒక కారణం. వాటిలో రకరకాల కొవ్వు పదార్థాలు ఉంటాయి. ఇందులో ఉండే మన శరీరంలో కొలెస్ట్రాల్ పెరిగిపోయేలా చేసి బరువు పెరిగేలా చేస్తుంది. జంక్ ఫుడ్స్, ఫాస్ట్ ఫుడ్స్, ఫ్యాకింగ్ ఫుడ్స్ వంటి వాటికి సాధ్యమైనంత వరకు దూరంగా ఉండాలి. కూల్ డ్రింక్స్ కూడా మనం బరువు పెరగడానికి సహాయపడతాయి. ఇందులో ఉండే సుక్రోజ్ శరీరంలో చక్కెర శాతం పెంచి బరువు పెరగడానికి దారితీస్తుంది.
అసలైన ముఖ్యమైన పెద్ద పొరపాటు ఏమిటంటే ఎక్కువసేపు కూర్చుని ఉండటం. ఒకే చోట కూర్చుని పని చేసేవారి శారీరక కార్యకలాపాలు తగ్గిస్తుంది దాంతో బరువు పెరిగే అవకాశాలు ఉన్నాయని వైద్యులు నిపుణులు చెబుతున్నారు. అందుకని ప్రతి అరగంటకు ఒకసారి లేచి నడవడం మంచిది. ఉదయం అల్పాహారం, మధ్యాహ్నం భోజనం, రాత్రి భోజనం తర్వాత పదినిమిషాల పాటు నడిస్తే తిన్న ఆహారం త్వరగా జీర్ణమై బరువు పెరగకుండా చేస్తుంది.