Plants: మన ఇంటి పరిసరాలలో పెంచ తగిన ,పెంచకూడని శుభ ప్రధమైన, అశుభ ప్రధమైన మొక్కలు గురించి తెలుసుకుందాం.నివాసం ఉంటున్న ఇంట్లో ఎలాంటి చెట్లుండాలి? ఏ చెట్టుంటే ఏ శుభం ఫలితం కలుగుతుంది? ఉండకూడని చెట్లేవైనా ఉన్నాయా?
Plants: తూర్పు దిక్కు న
మన ఇంటి ఆవరణలో కొబ్బరి చెట్టు ఉండడం అనేది ధన ప్రదం గా చెప్పబడింది. ఈ కొబ్బరి చెట్టు ఇంటికి ఈశాన్య భాగం లో , తూర్పుభాగంలోనూ ఉండడం మంచిది. ఇక పొతే తాటిచెట్టు ఎక్కడున్నా పర్వాలేదు. అదే విధం గా తూర్పు దిక్కు న మామిడి చెట్టు కనుక ఉంటే ఆ ఇంటి వారికీ సంపదలు కలుగుతాయి అనడం లో ఎలాంటి సందేహం లేదు.
చక్కని వృద్ధి
మామిడి చెట్లు కూడా ఏ దిక్కున ఉన్నా శుభప్రదమే అని చెప్పబడ్డాయి.ఇంకా పనస, మారేడు,నిమ్మ, రేగు వంటి చెట్లు తూర్పు దిక్కున ఉంటే సంతానప్రదం అని చెప్పబడింది. ఇవి దక్షిణంలో కానీ ఇతర దిక్కులలో కానీ ఉన్నప్పుడు ధన వృద్ధి ఫలితాన్నిస్తాయి. ఈ చెట్లన్నిటివలన గృహస్థుడికి చక్కని వృద్ధి చేకూరుతుంది. దానిమ్మ,అల్లనేరేడు, అరటి చెట్లు తూర్పు దిక్కులో ఉండడం వలన ఆ ఇంట్లో నివసించేవారికి బంధువులతో మంచి సఖ్యత ఉంటుంది . ఇవే చెట్లు దక్షిణ దిక్కులో ఉంటే మిత్రప్రాప్తి పొందుతారు. ఇక సంపంగి చెట్టు ఇంటి ఆవరణలో ఏ దిక్కున ఉన్న మంచిదే. మంచి గుమ్మడి, సొర,మోదుగ, దోస, వంటివి కూడా ఇంటి ఆవరణ ఎక్కడ ఉన్నా కూడా మంగళప్రదాలు అని చెప్పబడ్డాయి. మారేడు, వంగ చెట్లు కూడా శుభప్రదాలు.
శుభకరాలు
పండ్లనిచ్చే తీగెల రకాల మొక్కలు ఏ ప్రదేశం లో అయినా ఉండొచ్చు. శనగ లేదా ధాన్యపు మొక్కలు ఉన్నందువల్ల ఎలాంటి దోషం ఉండదు. చెరకు కూడా ఎక్కడున్నా ఎలాంటి సమస్య ఉండదు. అశోక, శిరీషం, కదంబ వృక్షాలు శుభప్రదం అయినా చెట్లుగా చెప్పబడ్డాయి. పసుపు, అల్లం వంటి మొక్కలు శుభకరాలు అని చెప్పబడ్డాయి.
