Weight Loss: స్త్రీలు డెలివరీ ముందు కంటేడెలివరీ తర్వాత ఎక్కువ బరువు పెరిగి ఊబకాయులు గా మారుతుంటారు..కాబట్టి మీరు బరువు పెరగకుండాఉండాలంటే కచ్చితంగా కొన్నిఅంశాలను దృష్టిలో ఉంచుకోవాలి. బరువు తగ్గించుకోవడం కోసం మీరు ప్రసవం తర్వాత కఠినమైన ఆహార నియమాలు పాటించ కూడదు. ఈ సమయంలో స్త్రీల శరీరంలో తగినంత పోషకాలుఉండవు కాబట్టి అలాంటి నిర్ణయం తీసుకోకుండా ఉండటమే మంచిది.
ముఖ్యంగా సిజేరియన్ డెలివరీ జరిగిన వారు అయితే కనీసం 2-3 వారాల పాటు విశ్రాంతి తీసుకోవాలి. అప్పుడే కుట్లు పూర్తిగా మానుతాయి.అసలు ప్రసవం తర్వాత, బరువు తగ్గాలి అని అనుకుంటే కచ్చితం గా డాక్టర్ సలహా సూచనలు పాటించాలి.. మీరు బరువు తగ్గాలి అని అనుకుంటే.. కఠినమైన ఆహార నియమాలు పాటించకుండా, శరీరానికి అవసరమైన పోషకాలను అందిస్తూ కూడా మీ బరువును తగ్గించుకోవచ్చు. ఇక వ్యాయామం విషయానికి వస్తే,మీరు కఠినమైన వ్యాయామం చేస్తేనే బరువు తగ్గుతాము అని భావించకండి. యోగా చేయడం ద్వారా మనస్సు ఉత్సహాంగా ప్రశాంతం గా అవుతుంది. యోగా ఎక్కువ చేయడం వల్ల ఒత్తిడి మరియు అలసట నుంచి రక్షణ పొందవచ్చు. బరువు తగ్గడానికి బాగా ఉపయోగపడుతుంది.
డెలివరీ టైం లో శరీరం నుండి చాలా పోషకాలు పోవడం వలన పోషకాహారం తీసుకుంటూ … నెమ్మదిగా బరువు తగ్గేప్రయత్నం చేయడం అవసరం.ఆహరం లో ఈ జాగ్రత్తలు పాటించండి. బరువు తగ్గాలి అనుకున్నపుడు చేయవలసిన ముఖ్యమైన పని ఏమిటంటే, నీరు ఎక్కువగా తీసుకోవాలి. దీనివల్ల శరీరంలోని టాక్సిన్స్ బయటకు పోయి , డీహైడ్రేషన్ నివారించబడుతుంది. రోగనిరోధక శక్తి కూడా పెరుగుతుంది. అవోకాడో, ఆలివ్ ఆయిల్, సాల్మన్ ఫిష్ మరియు అవిసె గింజలు ఆహారం లో ఉండేటట్లు చూసుకోవాలి.
స్త్రీలు బచ్చలి కూర తింటే, డెలివరీ తర్వాత, శరీరానికి అవసరమైన పోషకాలు మరియు విటమిన్లు అందడం తో పాటు బరువు పెరగకుండా ఉంటారు . పాలిచ్చే తల్లులు ఐరన్ మరియు కాల్షియం ఎక్కువగా ఉండే పాల ఉత్పత్తులను ఖచ్చితంగా తీసుకోవాలి.డెలివరీ తర్వాత స్త్రీలు ఎక్కువ పాలు తాగాలి. ముఖ్యంగా స్కీమ్ మిల్క్ తాగితే బరువు తగ్గడం తో పాటు శరీరానికి కాల్షియం అందుతుంది. నిమ్మకాయ బరువు తగ్గడంలో బాగా సహాయ పడటం తో పాటు.. శరీరం నుండి వ్యర్థ పదార్థాలను బయటకు పంపుతుంది. ఉదయం ఖాళీ కడుపుతో వెచ్చని నీటిలో నిమ్మరసం తేనె కలిపి తాగితే శరీరంలో కొవ్వు కరిగిపోతుంది .
