దంపతుల మధ్య దాంపత్య జీవితం ఎక్కువ కాలం కొనసాగాలంటే ప్రేమ తోపాటు శృంగారం చాలా ముఖ్యం. చాలా మంది భార్యాభర్తలు ఆజన్మ శత్రువులు గా సంసారం జీవితాన్ని సాగిస్తూ ఉంటారు. పోని పెద్దలకుదిర్చిన పెళ్లి కదా మనస్సులు కలవలేదనుకుందాం.. ఏళ్ళ తరబడి పేమించుకున్నవారి పరిస్థితికూడా అలానే ఉంది.
ఈ ఆధునిక కాలంలో డబ్బు సంపాదన, ఉద్యోగ ఒత్తిడి ఇలా సమయం అనేది లేక అనేక రకాల సమస్యలతో పోరాటం చేస్తూ భర్తలు తమ భార్యల తో ఎక్కువ సమయాన్నిగడపలేక పోతున్నారు. అదే విధం గా ఉద్యోగం చేసే భార్యలు ఆఫీస్ లో పని , ఇంటి పని , పిల్లల బాధ్యతలతో భర్తలకోసం సమయం కేటాయంచలేక పోతున్నారు. భార్య కు ఏ చిన్న విషయంలోనైనా సరే.. తగినంత ప్రాధాన్యత ఇవ్వకపోతే వైవాహిక జీవితం బలహీన పడుతుందని నిపుణులు చెబుతున్నారు.
వైవాహిక జీవితంలో చిన్నపాటి గొడవలు ఎప్పుడూ ఉంటూనే ఉంటాయి. ఒకవేళ చిన్న తగాదాలు కూడా లేకపోతే వారి వైవాహిక జీవితం లో దాదాపు మధురానుభూతి లేనట్టేనని నిపుణులు చెబుతున్నారు. అలా అని ప్రతి విషయంలో గొడవ పడడం అనేది భార్య భర్తల శృంగార జీవితం పై తీవ్ర ప్రభావం పడుతుందని సైకాలజిస్టులు హెచ్చరిస్తున్నారు.
ఎప్పుడో ఒకసారి కాకుండా తరచుగా శృంగారం చేయడం అనేది భార్యాభర్తల బంధాన్ని మరింత బలపరిచే ఏకైక మార్గమని సైకాలజిస్టులు, సెక్సాలజిస్టులు చెప్తున్నారు. భార్య భర్త కష్టాన్ని అర్ధం చేసుకోవాలి . భర్త భార్య ని ప్రశంసించాలి. పొగడ్తలు ఉంటేనే భార్య భర్తల అనుబంధం బలపడుతుందని డేటింగ్ నిపుణులు చెబుతున్నారు. కొందరు భార్య భర్తలు పగలు ప్రతీకారాలు పెంచుకుంటూ ఉంటారు అది ఎంతమాత్రమూ మంచిది కాదు.
వేదమంత్రాల సాక్షిగా ఒక్కటైన భార్య భర్తలు తమ భాగస్వామి లో ఉన్న చెడ్డ విషయాన్ని మర్చిపోయి మంచి విషయాన్ని గుర్తు చేసుకుంటూ సంతోషంగా ఉండడానికి ,ఉంచడానికి ప్రయత్నించాలి. లేకపోతే ఇంట్లో ఎప్పుడు యుద్ధ వాతావరణమే ఉంటుంది . ఫలితంగా ఇద్దరి జీవితాల తో పాటుగా పిల్లల భవిష్యత్ సర్వనాశనం అవుతుంది.పొరపాటున ఏదైనా అపార్ధం వస్తే వెంటనే దాని గురించి వివరించి చెప్పండి.
ఎంతగా వివరించాలంటే ఎదుటివారి మనస్సు శాంతించేలాగా చెప్పాలి,చెప్పేది నిజమే అనిపించాలి. ఎదుటి వారు వివరణ ఇచ్చాక క్షమించడం తో పాటు సందర్భం వచ్చింది కదా అని ఆ పొరపాటు గురించి దెప్పి పొదుపులు ఉండకూడదు. ఈ ప్రపంచం లో భర్తకి భార్య ,భార్యకు భర్త తప్ప ఇంకా ఏది లేదని నమ్మండి. ఆఖరికి పిల్లలు కూడా వారి తర్వాతే అన్నట్లుగా ఉండాలి . అప్పుడు ఇక గొడవలు వచ్చిన అవి ఆనందాన్నిరెట్టింపుచేస్తాయి
ఈ డిజిటల్ యుగంలో ఎలక్ట్రానిక్ వస్తువులు కి ఇచ్చినంత ప్రాధాన్యత భార్యాభర్తలు ఒకరికి ఒకరు ఇచ్చుకోక పోవడం వలన అనేక నేరాలు ఘోరాలు జరుగుతున్నాయి. భార్య భర్తల మోసాల వార్తలు ఎక్కువగావింటున్నాము. ఇలాంటివి జరగకుండా ఉండాలంటే పైన చెప్పిన విషయాలను ప్రతి దంపతులు గుర్తుంచుకొని ఆచరించడం ఎంతైనా ముఖ్యమని సైకాలజిస్టులు, సెక్సాలజిస్టులు చెబుతున్నారు. ఏది ఏమైనా మన తల్లి ,మన తండ్రి మనలని ఎంత పేమగా చూసారో ,భార్య భర్తని భర్త భార్య ని అలా చూసుకోవడం వలన కుటుంభం ఎంతో సంతోషం గా ఉంటుంది .
