Usiri: ఉసిరి చెట్టును ధాత్రి వృక్షం, అమలక వృక్షం అని అంటారు.. ఈ చెట్టు మహిమ విన్నా, చదివినా, చెప్పిన జన్మ జన్మల పాపాలు పటాపంచలవుతాయి.. అనుకున్న కోరికలు నెరవేరుతాయి.. అష్టైశ్వర్యాలు కలుగుతాయి.. అటువంటి ఉసిరి చెట్టు మహిమ గురించి తెలిస్తే ఎవరైనా ఆశ్చర్యపోతారు..!
ఉసిరి చెట్టు మూలంలో విష్ణుమూర్తి.. కాండంలో రుద్రుడు.. పైభాగంలో బ్రహ్మదేవుడు.. కొమ్మల్లో సూర్యుడు.. ఉప శాఖలలో సకల దేవతలు ఉంటాయని పురాణాలు చెబుతున్నాయి.. కార్తీకమాసంలో ఉసిరికాయ పై ఒత్తులు వేసి దీపం వెలిగిస్తారు. ఈ దీపం కార్తీక దామోదరుడు అత్యంత ప్రీతిపాత్రమైనది. ఉసిరి చెట్టు గాలి కూడా ఆరోగ్యానికి మంచిది. ఉసిరి చెట్టు ఇంట్లో ఉంటే వాస్తు దోషాలు తొలగి పోవడం తో పాటు దుష్టశక్తులు కూడా ఆ ఇంట్లోకి ప్రవేశించకుండా ఉంటాయి. నరదిష్టి ఆ ఇంటి నలుమూలల ప్రవేశించదు.
ఉసిరి చెట్టు లో శ్రీ మహావిష్ణువు లక్ష్మీ దేవి కొలువై ఉంటారు. ఉసిరి చెట్టుకు వృద్ధాప్యం లేదు. అందుకే ప్రతి మనిషి ఐదు ఉసిరి చెట్లు నాటాలని చరక మహర్షి చెప్పారు. ఉసిరి చెట్టు కు ఎనిమిది వైపుల ఎనిమిది దీపాలను పెట్టి ఎనిమిది ప్రదక్షిణలు చేస్తే సకల బాధలు తొలగి మంచి జరుగుతుందని పురాణాలు చెబుతున్నాయి. కార్తీక మాసంలో శివాలయంలో ఉసిరి చెట్టు కింద ప్రతి సోమవారం ఉదయం, సాయంత్రం ఎవరైతే దీపం పెడతారో వారు ఇప్పటివరకు చేసుకున్న పాపాలు అగ్నిహోత్రంలో దూదివలె నశిస్తాయి. వారు ఇప్పటివరకు చేసుకున్న పుణ్యం 10 రెట్లు అవుతుంది. ఉసిరి చెట్టు మహిమను విన్నా, చెప్పినా, చదివిన జన్మల పాపాలు పోయి, కోటి జన్మల పుణ్యం వస్తుంది. అపమృత్యు దోషాలు తొలగిపోతాయి.