Money Plant: మనీ ప్లాంట్.. సహజంగా చాలామంది ఇళ్లల్లో మొక్క కనిపిస్తూనే ఉంటుంది.. అలంకరణ కోసం కొంతమంది పెంచుకుంటే.. వాస్తు కోసం మరికొంతమంది పెంచుకుంటారు.. మనీ ప్లాంట్ ఇంట్లో పెంచుకుంటే ఆరోగ్య లాభాలు కూడా ఉన్నాయి.! అవేంటో చూద్దాం..!
వాస్తు శాస్త్రం ప్రకారం ఇంట్లో మనీ ప్లాంట్ పెంచు కోవడం వలన నెగటివ్ ఎనర్జీ పోయి పాజిటివ్ ఎనర్జీ లభిస్తుంది. ఈ మొక్క పెంచుకోవడం వల్ల.. లక్ కలిసి వస్తుందని, అదృష్టం తలుపు తడుతుందని, డబ్బుకు కొదవ ఉందని చెబుతుంటారు. మనీ ప్లాంట్ ఇంట్లో పెట్టుకోవడం వలన గాలి పరిశుభ్రంగా మారుతుంది గాలిలో ఉండే కార్బన్ మోనాక్సైడ్, ఫార్మల్డిహైడే, బెంజిన్ వంటి కాలుష్య కారకాలు తొలగిపోయి చక్కటి గాలిని అందిస్తుంది. ఇంట్లో అందరికీ స్వచ్ఛమైన ఆక్సిజన్ అందేలా చేస్తుంది. ఇంట్లో బెడ్ రూమ్, హాల్, కిచెన్, స్టడీ రూముల్లో పెట్టుకోవడం వలన ఒత్తిడి ఆందోళన డిప్రెషన్ తగ్గుతాయి.
ఈ రోజుల్లో ప్రతి ఒక్కరి ఇంట్లో వైఫై రూటర్లు ఉంటున్నాయి. ఆ సిగ్నల్స్ ప్రభావం ఇంట్లో వారి పైన పడకుండా ఈ మొక్క రేడియేషన్ ను తగ్గిస్తుంది. అదేవిధంగా లాప్ టాప్, కంప్యూటర్స్, మొబైల్ స్క్రీన్ ఎక్కువగా ఉపయోగించుకునే చోట ఈ ప్లాంట్ ను పెంచుకుంటే వాటి నుంచి వెలువడే రేడియేషన్ బారి నుంచి మనల్ని సురక్షితంగా ఉంచుతుంది.